اسلام آباد/پشاور۔ 13جنوری (اے پی پی) 2013ء ٹی ملک اٹی ٹوجی آن مون آ ہِننگ نا ہچ ءُ تصور اس ہلوکہ و بیرہ 3درسد علاقہ غاتسکان براڈ بینڈ نا آسراتی دوبروک ئس وخت اس کہ حکومتی کوشست آتیان داسہ ملک انا 35درسد علاقہ براڈ بینڈ نا آسراتی آن فائدہ ہرفنگ ءُ۔ ہفتہ نا دے پشاور اٹی نیشنل انکوبیشن سینٹر نا بنائی دود آن تران کرسا انفارمیشن ٹیکنالوجی ناوزیر مملکت انوشہ رحمان پارے کہ 2014ء آن پد آئی ٹی نا بشخ اٹی انقلاب اس بسنے ہراٹی سالانہ 20 ہزار آن زیات ورناگریجویشن نا تعلیم ءِ پورو کیرہ۔ اوپارے کہ ننے دُن انگا ورناتا لائخی آن فائدہ ہرفنگ کن اوفتا کمک ءِ کروئی مریک۔ دابابت آئی ٹی نا وزارت نا کوشست آتیٹی داسہ ملک اٹی 100 بندغ آتیا تالان خلق اسکان ہم تھری جی نا آسراتی ءِ سرکننگ انگ ءِ۔
