اسلام آباد۔ 13جنوری (اے پی پی) ترکمانستان نا وزیر خارجہ رشید مریدوف بڑزکو کہول انا ڈل اسے تون اوار اِرا دے ئی سرکاری دورہ غا 15جنوری آ اسلام آباد آ سرمریک۔ دفترخارجہ نا ترجمان نا رداٹ ترکمانستان نا وزیر خارجہ تینا پاکستانی ہم منصب خواجہ محمد آصف نا سلہ غا پاکستان نا دورہ غا بننگ اٹی ءِ ۔ او ہڑتوم آ کنڈآتا سیاسی صلابت نا بنائی سیشن اٹ تینا ڈل انا سرکڑدہ ہی ءِ کیک۔ ترجمان پارے کہ پاکستان و ترکمانستان نا نیام اٹ پت و افہام و تفہیم آ مبنی روایتی خڑکی و خوشگوار تعلقداریک جوڑ ءُ و ہڑتوم آ ملک آتا نیام اٹ چندی بشخ آتیٹی ہڑتوم آ کنڈآتا کمکاری ٹی پدریسہ پیش رفت مننگ ءِ۔ ترکمانستان نا وزیر خارجہ نا دورہ ہڑتوم آ ملک آتا نیام اٹ سوگو اقتصادی شریداری ءِ قائم کننگ اٹ کمکار جوڑ مریک۔
