لاہور۔ 13جنوری (اے پی پی) سارک چیمبر نا نائب صدر و پاک امریکہ بزنس کونسل نا بانی چیئرمین افتخار علی ملک امریکہ و پاکستان آ زور شاغانے کہ دہشت گردی نا برخلاف جنگ و ڈیہہ ٹی پائیدار امن کن اوغانستان نا بارواٹ پت انا کمتی ءِ مر کننگ کن پائیدار و نتیجہ خیز گام گیج کیر۔ اوداہیت ءِ سارک نا باسک ملک آتیان تعلق تخوک آ پوریاگر آتا اسہ بڑزکو کہولی ڈل اسے آن تران کرسا پارے۔ پنی پوریا گر راہشون و سارک چیمبر نا نائب صدر افتخار علی ملک پارے کہ ڈیہہ ٹی امن کن پاکستان المی ءِ و دہشت گردی نا چٹفنگ کن پاکستان آن بیدس امریکہ نا ہچ ءُ پالیسی اس سود مند مفک۔ ولے امریکہ نا بھارت و پاکستان نا معاملہ ٹی کھلم کھلا دوغلہ پن و بھارت تون اواری اٹ اودیم بلیم گیم کننگ آن پاکستان و امریکہ نا نیام اٹ پت انا کمتی مس و ہڑتوم آ ملک آتا نیام اٹ مُریک ودی مسر۔
