اسلام آباد۔ 10جنوری (اے پی پی ) ملک ءِ صدر ممنو ن حسین ءَ گشتگ کہ وانگءُ زانگ ءِ پڑءِ دیمروئی ءِ تہا گیشی مھکمیں زرکاری اِنت کہ ایشی ءِ نتیجگءَ راج راستی ءَ دیمروئی کت کن اَنت۔ آغا خان فاؤنڈیشن ءَ اے ھوالگءَ باز جوانیں کرد پیلوکتگ۔ ملک ءِ صدر ءَ اے گپ آغا خان مزن شاہ دربرجاھ کراچی ءِ ڈلءَ گوں گپءُ تران کنانءَ کتگ کہ آھاں چاشمبے ءِ روچءَ ایوان صدرءَ مزن شاہ دربرجاھ ءِ صدر فیروز رسول ءِ سروکی ءَ گندءُ نند کتگ۔ اے موھ ءِ سرءَ ملکءِ صدر ءَ را آغا خان مزن شاہ دربرجاھ ءِ ھوالگءَ شونشت دیئگ بوتگ۔ ملکءِ صدر ءَ گشتگ کہ آغا خان مزن شاہ دربرجاھ وانگءُ زانگ ءِ بازیں پڑآنی تہا بے مٹیں کرد پیلو کنگءَ اِنت کہ ایشی ءِ نتیجگ ءَ آھوکیں لھتیں سالانی تہا زندءِ بازیں پڑآنی تہا کہواس مزنیں کساسے ءَ جوڈ بنت کہ راجءِ دیمروئی ءِ وسیلگ بنت کہ ایشی ءَ چہ اُلسءِ زنداب جوان بنت۔ اے موھءِ سرءَ آغا خان مزن شاہ دربرجاھ ءِ نائب صدر الکریم حاجی ءُ اسماعیل نیشنل کونسل پاکستان ءِ صدر حافظ شیرالی ءَ ابید ایوان صدرءِ مزنیں حکام ھم ساڑی بوتگ اَنت۔
