اسلام آباد۔10جنوری (اے پی پی) الیکشن کمیشن ءَ چکوال ءَ چہ پنجاپ اسمبلی ءِ حلقہ پی پی 20ءِ تہا ضمنی گچین کاری ءِ عبوری نتیجگ ءِ جار جتگ کہ ایشی ءِ ردءَ مسلم لیگ (ن) ءِ اُمیت وار سلطان حیدر علی خان 75ہزار934ووٹ ءَ چہ سوبمند بوتگ وھدے کہ آئی ءِ دیم پہ دیمی ءَ تحریک انصاف ءِ امیت وار طارق محمود افضلءَ 46ہزار25ووٹ گپتگءُ دومی لمبر بوتگ۔ الیکشن کمیشن ءِ نیمگءَ چہ چارشمبے ءِ روچءَ ڈسٹرکٹ ریٹرننگ آفیسر ءِ نیمگءَ چہ دست کپتگیں نتیجگ جاری کنگ بوتگ اَنت کہ آھانی ردءَ حلقہ ءِ تہا مُچ ووٹرآنی کساس 2لکھ 79ہزار 530بوتگ وھدے کہ کپتگیں ووٹ آنی کساس یک لکھ 41ہزار 137بوتگ۔
