اسلام آباد ۔ 10 جنوری (اے پی پی)پاکستان ءُُ مصر ءِ نیام ءَ 11یازدھمی اُردی کمکی کمیٹی ءِ دو روچی دیوان قائرہ ءَ برجم دارگ بوت۔ پاکستانی اُردی ڈل ءِ سروکی سیکرٹری وزارت دیمپانی لیفٹیننٹ جنرل (ن) ضمیر الحسن وھدیکہ مصر ءِ ڈل ءِ سروکی سلاھ بندیں اُرد ءِ اسسٹنٹ چیف آپریشنل اتھارٹی میجر جنرل موتے احمد عراقی ءَ کت۔دیوان ءَ دمگی سلامتی ءُُ وت مہ وتی یکوئی ءِ کار آنی سرءَ گپ ءُُ تران کنگ بوت۔ دیوان ءَ پاکستان ءَ ناشرکاریءِ ھلاپ ءَ ٹوھیں کامیاتی آنی ساڑاھگ بوت۔ سیکرٹری وزارت ءِ دیمپانی لیفٹیننٹ جنرل (ر) ضمیر الحسن ءَ مصر ءِ سلاھ بندیں اُرد ءُُ مھکمہ ءِ دیمپانی ءِ ٹوھیں کارندہ آں گوں ارزشتی ایں گند ءُُ نند ھم کت۔ پاکستان ءُُ مصر ءِ نیام ءَ دیمپانی کمک ءِ یاتگیر آنی سر ءَ دست چنگل ھم جنگ بوت۔ پاکستان ءِ سئیں سلاھ بندیں اُرد آں ناشرکاری ءِ ھلاپ ءَ جوانیں ءُُ شاھیگانیں تجروبت آنی سرءَ دلگوشی ھم دات۔ دیوان ءَ پاک، مصر دو نیمگی دیمپانی کمک ءِ سر ءَ جوانیں گپ ءُُ تران ھم کنگ بوت۔ دوئیں ملک آنی دیمپانی پیداواری کمک، اُردی ھیل کاری ءُُ ایکسرسائز آنی برجائی آناں کمو نامینت۔ یات دارگ بہ بیت کہ اُردی کمکی کمیٹی ءِ دو جھلی گروپ اُردی ساز ءُُ سامان ءُُ ھیل کاری ایکسرسائز آنی ھوالگ ءَ انت۔
