اسلام آباد۔ 10 جنوری (اے پی پی)وزارت ءِ ھزانگ ءِ جارچین ءَ گوشت کہ پاکستان ءِ جی ڈی پی ءِ رد ءَ چہ وام ءِ کساس بازیں دیمروئی کنوکیں ملک آنی رد ءَ کم اِنت، گوستگیں چار سال آنی ساھت ءَ جی ڈی پی ءِ رد ءَ چہ حکومتی وام آنی تہ ءَ 1.4درسد ءِ کمو گیشی بیتگ، امریکہ برطانیہ ءُُ جاپان ءِ وڑیں دیمروئی کنوکیں ملک آنی تہ ءَ جی ڈی پی ءِ رد ءَ چہ وام ءِ کساس 80ءَ چہ100درسد ءَ گیش اِنت۔ پاکستان ءِ بجٹ ’’خسارہ‘‘ 826ارب کلدار ءَ تاں گیش کنگ ءِ بابت ءَ ھال در آنی رپوٹ ءِ بابت ءَ تران کنان ءَ وزارت ءِ ھزانگ ءِ جارچین ءَ گوشت کہ مالی کمیگ ءِ ھساب ءُُ کتاب ھمک ماھ ءِ بنیات ءَ کمو گیش 2ماھ ءَ پد لوٹ بوتگیں ھساب ءُُ کتاب ءِ در جنگ ءَ پد سئے ماھی بنیات ءَ کنگ بہ بنت۔ھمک ماھی بنیات ءِ پد ءَ ھساب ءُُ کتاب سئے ماھی مالیاتی آپریشن ءِ ھساب ءُُ کتاب آناں جم کنگ ءِ وھد ءَ ھوار کنگ بنت ءُُ ھما وھد ءَ ایشاناں الس ءِ واستہ سہرا کنگ بیت ءُُ وزارت ءِ ھزانگ ءِ ویب سائٹ ءَ ھم جاڑی کنگ بیت۔ گوزوکیں سال ءِ اولی سئے ماھی ھساب ءُُ کتاب ساڑی اَنت۔
