اسلام آباد۔ 9 جنوری (اے پی پی) مزن وزیر شاہد خاقان عباسی ءَ پاکستان ءُُ چین ءِ نیام ءَ السی پڑ ءَ یکوئی ءُُ تجارت، وانگ ءُُ زانگ ، دود ءُُ ربیدگ، معشیت ءَ ھوار جتا جتائیں شوبگ آنی تہ ءَ یکجائی کار آناں گیش شاھیگانی دیگ ءِ ضلورت ءِ سر ءَ زور پر دات۔ آئی ءَ اے گپ پاکستان ءَ چین ءِ سفییر یاؤجنگ ءَ گوں تران کنان ءَ کت آئی ءَ سئے شمبے ءِ روچ ءَ مزن وزیر کارگس ءَ آئی ءَ گوں گند ءُُ نند کت۔ مزن وزیر ءَ سفیر یاؤ ءَ را پاکستان ءَ ساڑی بوھگ ءِ پد ءَ مبارکی دیان ءَ دوئیں ملک آنی نیام ءَ جوانیں کار ءُُ کمک آنی تہءَ شریکداری ءِ برجائی ءِ جزم ءِ درشان کت۔ مزن وزیر ءَ گوشت کہ پاکستان ءُُ چین ءِ نیام ءَ دوستی ءِ مھکمیں ریشگ ءُُ بازیں شوبگ آنی تہ ءَ کمک پیسر ءَ چہ گیش جھلانک سہرا بنت۔
