اسلام آباد۔ 9 جنوری (اے پی پی) مزن وزیر شاہد خاقان عباسی ءَ گوشت کہ پاکستان جان سلامتی، انفراسٹرکچر، وانگ ءُُ زانگ ءُُ بنی آدم ءِ آسراتی ءِ گامگیج ءَ ھوار جتا جتائیں شوبگ آنی تہ ءَ نائیجیریا ءَ را کمک پُجارینت کنت، دوئیں ملک آنی نیام ءَ پراھ ءُُ شاھیگانیں تجارت ءِ گیشاں گیش گنجاھش است اِنت ایشرا دوئیں ملک ءِ الس آنی نپ ءُُ سیت ءِ واستہ کارمردم کنگ بیت، پاک۔نائیجیریا یکجائی وزارتی کمیشن ءِ دیوان آناں برجاکنگ ءِ ضلورت اِنت۔ آئی ءَ اے گپ پاکستان ءَ نائیجیریا ءِ ہائی کمشنر میجر جنرل (ر) اشیمیو ادیبائیو اولا نئی ءَ گوں گپ ءُُ تران کنان ءَ گوشت آئی ءَ سئے شمبے ءِ روچ ءَ مزن وزیر کارگس آئی ءَ گوں گند ءُُ نند کت۔ مزن وزیر ءَ آرا پاکستان ءَ سفیر ءِ بستار ءَ ساڑی بوھگ ءِ سرءَ مبارکی دات دیان ءَ گوشت کہ پاکستان ءُُ نائیجیریا ءِ نیام ءَ سک باز ھمگونگی است ءُُ ایشاناں یک وڑیں چیلنجز ھم دیم پہ دیم اَنت، دوئیں براتیں ملک ازمکاری آنی مٹ ءُُ بدلی ءِ وسیلگ ءَ یک ءِ دومیگ ءِ ءَ چہ نپ چست کت کناں۔ مزن وزیر ءَ گوستگیں سال اکتوبر ءَ 9نوھمی ڈیٹ ایٹ سروکی کانفرنس ءِ موہ ءَ نائیجیریا ءِ صدر محمد وف بحاری ءَ وتی گند ءُُ نند ءِ تران کت۔ نائیجیریا ءِ ہائی کمشنر ءَ آئی ءِ جوانیں وش اتک ءِ پد ءَ مزن وزیر ءِ شگر ءُُ مزن ت گپت ءُُ دوئیں نیمگ ءِ یکوئی آناں گیش شاھیگانی دیگ ءِ جزم ءِ درشان کت۔
