صدر مملکت ممنون حسین ءِ کلانہ ایں نیک راھی زانت ڈاکٹر سیدّ سلمان ندوی ءَ گوں ایوان ءِ صدر ءَ گوں گند ءُُ نند ءِ ساھت ءَ ھیالانی درشانی

اسلام آباد ۔ 9 جنوری (اے پی پی) صدر مملکت ممنون حسین ءَ گوشت کہ چاگرد ءِ پنت ءُُ شون ءُُ نیک راھی زانش ءِ رپک آنی وڑ ءُُ پیم ءَ سرجم ءُُ برجم نہ اِنت، اے رد ءَ عالم آنی زمہ واری اِنت کہ آ یکوئی پیداک کنوکیں عالم تیار بکن انت تانکہ نوکیں زمانگ ءِ رد ءَ سرجمی بوت بہکنت۔ آئیءَ اے گپ نامداریں عالم ڈاکٹر سیدّ سلمان ندوی ءَ گوں گپ ءُُ تران کنان ءَ کت اَنت آئی ءَ سئے شمبے ءِ روچ ءَ ایوان ءِ صدر ءَ وتی ڈل ءِ ھمبراھی ءَ گند ءُُ نند کت۔ صدر مملکت ءَ گوشت کہ چاگرد ءِ پنت ءُُ شون ءِ واستہ مزنیں کساس ءَ زمہ واری ایر بیت۔ مسلمان آنی راجدپتر ءُُ برصغیر ءِ عالم آں اے رد ءَ لائک ءِ توسیپی کرد پیلو کتگ بلے وھد ءِ گوزگ ءِ گوما پنت ءُُ شون روایت آنی دنز ءُُ مج آں گپتگ اَنت ایشی ءَ چہ جاور ھال مٹ بوتگ اَنت۔ ھمے ھاترا ضلورت اے گپ ایگ اِنت کہ نیک راھی زانشتکار چاگرد ءِ واستہ پراھ ءُُ شائیگانیں نگاہ ءَ گوں کار بکن اَنت تانکہ لوٹ بوتگیں مول ءُُ مراد در جنگ بہ بنت۔ آئی ءَ گوشت کہ اسلام ءِ جوانیں روھ ءِ رد ءَ چاگرد ءِ سروکی المی اِنت تانکہ جتا جتائیں سسا ساچ آں چہ بُرز قرآن ءُُ سنت ءِ پاگواجئی ءَ در جنگ بیت کنت۔ صدر ءِ مملکت ءَ گوشت کہ ڈاکٹر سیدّ سلمان ندوی ءُُ آئی ءِ لوگ ءِ مردم آں دین ءِ تبلیغ ءُُ پاکستان ءِ جوڑیشت ءِ رد ءَ لائک ءِ توسیپی کرد پیلو کتگ ایشی ءِ واستہ چاگرد ءَ پراھ ءُُ شاھیگانیں رد ءَ آئی ءِ شرپ ءُُ ازت کنگ بیت۔