سیالکوٹ۔ 8 جنوری (اے پی پی) مزن وزیر شاہد خاقان عباسی ءَ گوشت کہ مسلم لیگ (ن) ءَ الس ءِ ازمت کتگ ءُُ ھمینکیاس دیمروئی کار کتگ کہ ایشانی درور راجدپتر ءَ نہ رسیت ، جولائی 2018ءِ لس گچین کاری ءَ ھم مسلم لیگ (ن) باج بارت چیا کہ سیاست ءِ پیسلہ آمید گس ءَ نہ پولنگ اسٹیشن آنی توک ءَ بنت، آمید گس ءَ نواز شریف ءَ را ہائی جیکر جوڑ کنگ بوتگ بلے راجدپتر ءَ اے پیسلہ قبول نہ کتگ، نااہل کنگ ءِ پیسلہ ھم راجدپتر ءَ رد کتگ ءُُ آکوٹ ءِ سرءَ دور دیگ بیت۔ دو شمبے ءِ سیالکوٹ ءَ درئی کارانی وزیر خواجہ محمد آصف ءِ گس ءَ ورکرز کنونشن ءَ گوں گشتانک دیان ءَ مزن وزیر ءَ گوشت کہ چار پنچ سال ءِ حکومت کنگ ءَ پد جاک ءُُ کوکار کنوک کم ءُُ ایراد گروگ گیش گیش بنت بلے مرچی سیالکوٹ ءَ اُلس آنی اندر جوش ءُُ جوزگ گندگ بوھگ ءَ سما بوھگ ءَ انت کہ جولائی 2018ءَ الیکشن ءَ ھم مسلم لیگ (ن) باج بارت۔ آئی ءَ گوشت کہ مئے گل ءُُ مئے رھشون نواز شریف ءَ مارا شراپت ءِ سیاست ءِ سبک داتگ۔ دومی نیمگ ءَ ھمے سیاست کنگ بوھگ ءَ اِنت آ مئے نہ اِنت۔ ما شراپت ءُُ اِزمت ءِ سیاست کتگ ءُُ الس ءِ جیڈھ گیوار کتگ انت ءُُ اِچ کس ءَ را زاھ ءُُ بد ءُُ بھتام نہ جتگ۔ آئیءَ گوشت کہ وھد ءِ پیسلہ ساھت کئیت گڈا الس انشاء اللہ مسلم لیگ (ن) ءُُ نواز شریف ءِ ھک ءَ پیسلہ کنت۔ آئیءَ گوشت کہ خواجہ محمد آصف ءَ منی بابت ءَ جوزگ آنی درشان کتگ ایشی ءِ پد ءَ آئی ءِ من منت وار آں کہ آ منی دوست ءُُ برات اِنت۔ ما سیاست ءَ ھواری ءَ اتکگ آں۔ آئی ءِ پد خواجہ صفدر ءَ را سرجمیں پاکستان زانت۔ سیاست ءَ آئیءِ مزنیں جاھ اِت۔ خواجہ آصف ءَ وتی گل ءَ گوں وپاداری کتگ، ھمے سیاسی کامیاتی زانگ بیت۔
