حکومت ءَ گوستگیں چار سال آنی ساھت ءَ جنگ ءُُ چوپ ءِ شنگ ءُُ تالان ءِ کوشست ءَ را پرواہ نہ کنان ءَ ملک ءَ دیمروئی ءِ سپر ءَ را جاڑی داشتگ، ھاٹیگ ءَ ھوار جتا جتائیں چیلنج آنی سرءَ کامیاتی گپتگ، 10ہزار میگاواٹ ءَ چہ گیش توان قومی گرڈ ءَ ھوار کتگ، دل یکیم آں کہ توان ءِ پیداوار ءِ ھرچ ءُُ درچ ھم کم بیت ءُُ صنعت ، کشت ءُُ کشار ءُُ لوگی کارمردکنوک آناں گیش نپ رسیت
سیالکوٹ ۔ 8 جنوری (اے پی پی) مزن وزیر شاہد خاقان عباسی ءَ گوشت کہ استیں حکومت ءَ گوستگیں چار سال آنی ساھت ءَ ملک ءَ جنگ ءُُ چوپ ءُُ شدت آنی پراہ نہ کنان ءَ ملک ءَ دیمروئی ءِ سپر جاڑی داشتگ، ھاٹیگ ءَ ھوار جتاجتائیں چیلنج آناں گر ءُُ دار کنگ بوتگ، 10ہزار میگاواٹ ءَ چہ گیش توان قومی گرڈ ءَ ھوار کنگ بوتگ، دل یکیم آں کہ توان ءِ پیداواری ءِ کساس ھم کم بیر ایشی ءَ چہ صنعت ، کشت ءُُ کشاری ءُُ لوگ آنی توک ءَ کارمرد کنوکیں مردم آناں گیش نپ رسیت۔ اے ھیالانی درشانی آئیءَ دو شمبے ءِ روچءَ ادا سیالکوٹ ائیرپورٹ ءِ انٹرنیشنل ٹرمینل ءِ بنگیجی مراگش ءَ گشتانک دیان ءَ کت۔ مزن وزیر ءَ گوشت کہ دُگنیا ءَ اِچ گرین فیلڈ ائیر پورٹ کامیات نہ بوتگ۔ اے اولی گرین فیلڈ ائیر پورٹ انت کہ ایش جوانی ءَ دیم ءَ پیداک اِنت ءُُ ایشی ءَ اے میاں اوستمانی ٹرمینل ھوار کنگ بوتگ ایش ناں ایوک ءَ اے دمگ ءَ بلکینگ ءَ پاکستان ءِ واستہ سنگ ءِ میل ءِ بستار ءَ دار ایت۔ آئی ءَ گوشت کہ سیالکوٹ ءِ تاجر برات آناں اے بستار رستگ ایشی ءَ اے منصوبگ ءَ سرمایہ کاری کتگ ءُُ ایشرا سرجمی ءَ کامیات کتگ وھدیکہ حکومت ءَ اے منصوبگ ءَ را ھمک رنگ ءِ کمک ءِ پُجاری کتگ۔ صنعت ءُُ لوگ آنی توک ءَ کارمرد کنوک آناں توان نہ رسگ ءَ بوتگ بلے اے پیسریگیں مزن وزیر محمد نواز شریف ءُُ پاکستان مسلم لیگ (ن) ءِ ویژن اِنت ایشی ءِ جوانیں نتجگ مرچی راج ءِ دیم ءَ پیداک اَنت۔ آئی ءَ گوشت کہ سیالکوٹ ءِ تاجر برات آنی شگر ءَ گراں، آئیءَ اے منصوبگ سرجم کتگ ءُُ اے سہرا کتگ کہ جندی شوبگ ملک ءِ دیمروئی ءَ ارزشتی ایں کرد پیلو کنگ ءَ اِنت۔ سرجمیں دگنیا ءَ سیالکوٹ ءِ درور دیگ بیت کہ ادا جندی شوبگ ءَ ائیر پورٹ ءِ جوڑیشت کت کنت۔ آئیءَ گوشت کہ اے منصوبگ دمگ ءِ دیمروئی ءَ کمکار سہرا بیت۔
