لاہور۔07جنوری (اے پی پی) دیمپانی پیداوارئِ بنجاھی وزیر رانا تنویر حسین ئَ گشتگ کہ عمران ، قادری الائنس ئِ وسیلگئَ چہ یک رندے پدا ملکئِ بھتئِ مٹ کنگئِ کوشست ئَ کنگئَ اَنت، 2018ئِ گچین کاری ئِ تہا نہ وشیں ءُ پندل سازگئِ سیاست کنوکاناں پروش دیئگ بیت، انوگیں حکومتئِ دورءُ زمانگ ئَ ملک ئِ تہا انچیں کار کنگ بوتگ کہ اے دیمروئی راج دپترئِ تہا نبشتہ بنت 2500کلومیٹر موٹروےز جوڈ کنگ بوتگ، ہائی ویز ئِ جوڈ کنگئَ چہ ارباں کلدار حرچ کنگ بوتگ، لوڈشیڈنگ ئَ را دائمی ھلاس کنگ بوتگ ، دنیائِ مزنیں منصوبہ سی پیک گشادی ئَ گوں سرجم بوھگئَ اِنت، ناشرکاری ئِ تہا 80درسد کمی اَتکگ، آ محمود کوٹ ئَ را گیس ئِ پھجارینگئِ بُنگیج ءُ علامہ اقبال گروپ آف سکولز ئِ داد ئِ بھرءُ بانگ کنگئِ مراگشئَ گوں تران کنگئَ بوتگ۔
