اسلام آباد۔ 5 جنوری (اے پی پی) مزن وزیر شاہد خاقان عباسی ءَ گوشت کہ امریکی صدر ءِ ٹویٹ ءِ ءَ را جوانیں رد ءَ پسو کنگ بوت، اِچ این آر او نہ بوت، اے بابت ءَ دروگ ءُُ وت ساچ شر نہ اِنت، اے پیسلہ گل ءِ بیت ملک ءِ آیوکیں مزن وزیر کئے ءَ را جوڑ کنگی اِنت مسلم لیگ (ن) ءِ کرد ءِ بنیات ءَ آیوکیں گچین کاری ءَ کامیاتی رسیت۔ منی کوشش اِنت کہ سیاست برجا بہ بیت، گچین کاری وھد ءُُ موہ ءِ سرءَ بہ بیت تانکہ جمہوریت ءِ سپر بہ چلیت ، پاکستان ءَ ناشرکاری ءِ ھلاپ ءَ دُرستاں چہ گیش کاروائی کتگ ءُُ دُرستاں چہ گیش نپ چست کتگ۔ ما پاکستان ءَ چہ ناشرکاری ءِ ھلاسی ءَ کناں۔ اوگانستان ءَ ناشرکار کاینت مئے ملک ءَ اُرش کنگ ءَ آں، دُگنیا ءَ را لوٹ ایت کہ آ اوگانستان ءَ ایمنی برجا نہ کن اَنت اے رد ءَ ما وتی کرد ءَ ادا کنگ ءِ واستہ تیار آں۔ آدینگ ءِ روچ ءَ جندی ٹی وی چینل ءَ را داتگیں انٹریو ءَ مزن وزیر ءَ گوشت کہ اِچ این آر او نہ بوھگ ءَ انت منا چہ این آر او ءِ گپ نہ کتگ، این آر او پاکستان ءِ کانود ءِ بوتگ، سعودی عرب ءِ اِناّں، نواز شریف ءُُ شہباز شریف جندی تر ءُُ تاب ءَ سعودی عرب ءَ شتگ اَنت، آوانی وتی یکوئی اَنت ءُُ آ مُدام اُمبرہ ءَ رونت ، اے بابت ءَ دروگ ءُُ پر کنگ اھوال تاک آنی براھ بوھگ وشیں گپ ءِ نہ اِت۔ مزن وزیر ءَ گوشت کہ مسلم لیگ (ن) ءِ نماھندگ آں، منی کوشست اِنت کہ سیاست برجا بہ بیت، گچین کاری وھد ءِ سر ءَ بہ بنت تانکہ ملک ءَ جمہوریت ءِ سپر تُرند بہ بیت۔ یک جُستے ءِ پسو ءَ آئی ءَ گوشت کہ 28جولائی ءَ آمید گس ءِ ھما کہ پیسلہ اتکگ ایشی ءِ سرءَ راھ ءِ نیام ءَ نہ تچاں بلکیں اے الم ءَ گوشاں کہ ایشرا اُلس ءَ نہ من اِتگ، پیسلہ ءِ کد ءُُ بالاد ءِ بابت ءَ وھد وتی پیسلہ ءَ وت دنت، ما ایشی ءِ سر ءَ عمل کتگ۔
