کوئٹہ ۔06جنوری( اے پی پی ) بلوچستان ءِ دمگ لورالائی ، دکی ءُُ موسیٰ خیل ءَ ٹریفکءِ واکیہ ءَ دو مردم بیران ءُُ دو مردم ٹپیگ بوتگ اَنت۔ پولیس ءِ رد ءَ شمبے ءِ روچ ءَ لورالائی آمید گس روڈ ءِ سر ءَ ٹریفک ءِ واکیہ ءِ سبب ءَ ٹھیکیدار عبدالصمد بیران وھدیکہ شیخ نور احمد سک باز ٹپیگ بوت، ٹپیگ ءُُ بیران بوتگیں مردم ءَ را ہسپتال ءَ روان دیگ بوت، ھمے رنگ ءَ موسیٰ خیل ءِ دمگ کنگری ءَ ڈاکیان ءِ ھند ءَ مساپر وین ءِ ٹوکر ءَ چہ موٹر سائیکل ءِ سواریں مردم بیران بوت۔ لاش موسیٰ خیل ہسپتال ءَ روان دیگ بوت آھودا المیگیں کاروائی ءَ چہ پد لاش سیاد ءُُ وارسانی ھوالگ ءَ کنگ بوت وھدیکہ مساپر وین ءَ را دزگیر کت ءُُ ڈرائیور ءَ را دزگیر کنگ بوت ، ھمے رنگ ءَ دکی ٹریفک ءِ واکیہ ءَ چہ محمد اسلم نامی مردم ٹپیگ بوت، آھودا زوت زوتا آرا ہسپتال ءَ روان دیگ بوت، آئی ءِ جاور انوں ھوپ ءُُ ترس ءَ چہ ڈن گوشگ بوھگ ءَ اِنت۔
