اسلام آباد۔یکم مئی (اے پی پی) بے نظیر انکم سپورٹ پروگرام ئِ چیئرپرسن ئُُ وزیر ئِ مملکت ماروی میمن ئَ گوشتگ کہ حکومت اُلسی جیڈھ آں ھر کسی لوگ ئِ دپ ئَ گیوار کنگ لوٹیت چیا کہ اُلس ئِ اِزمت یک مزنیں ئُُ شرپ مندیں زمہ واری اِت۔ اے گپ آئی ئَ ریڈیو پاکستان ئَ سرجمیں ملک ئَ چہ ٹیلی فون کنوکیں گوشداروک آں گوں تران کنان ئَ آئی ئَ گوشت اَنت۔ مزن وزیر محمد نوازشریف ئُُ وزیر ئِ ھزانگ اسحاق ڈار ئِ کتگیں ھدایت ئِ رد ئَ بے نظیر انکم سپورٹ پروگرام ئِ چیئرپرسن ئُُ وزیر ئِ مملکت ماروی میمن، آدینگ ئِ روچ ئَ کیس منیجمنٹ سپیشلسٹ احمر اطہر ئِ ھمبراھی ئَ ریڈیو ئِ سر ئَ لائیو کال کنوک آں گوں تران کُت ئُُ حکم جاڑی کت۔ توامیں صوبگ آں ھوار فاٹا، گلگت ، بلتستان ئُُ کشمیر ئَ گوں سیادی داروکیں بینیفیشریز آں وتی وتی جیڈھ ئُُ جنجال گوشت اَنت۔ اے پیم ئَ اُلسی جیڈھ زوتاں چہ زوت گیوار کنگ بنت۔ بازیں دمگ آں چہ مارو میمن ئَ را لائیو کال کنگ بوت۔ اسلام آباد ئَ چہ اے پیمیں پنچ، چترال ئَ چہ یکے ئُُ بہالپور ئَ چہ یکے پروگرام ئِ تہ ئَ ھوار کنگ بوت۔
