اسلام آباد۔ 05جنوری (اے پی پی ) پاک فضائیہ ءِ سروک ایئرچیف مارشل سہیل امان ءَ پاک فضائیہ ءِ پیسرگیں سروک اصغر خانءِ بیرانیءِ سرءَ رنج ءُ گمءِ درشانی کتگ۔ پاک فضائیہ ءِ جارچین ءِ گشگءِ ردءَ ائیرچیف مارشل سہیل امان ءَ گشتگ کہ ایئرمارشل اصغر خان یک سکیں ایمانداریںءُ ناترسیں سپاہی بوتگ ءُ آئی ءَ بہادری ءَ گوں یک ائیرفورسءِ سروکی کتگ۔ آئیءَ گشتگ کہ ایئرمارشل اصغر خان ءَ وتی جوانیں رھشونی ءِ برکتءَ پاک فضائیہ ءَ را جدید بالی قوت جوڈ کنگءَ بنکی کرد پیلو کتگ۔ آئیءَ گشتگ کہ ایئرمارشل (ر) اصغر خان مزنیں کرد ، جوشءُ جزبگ ءُ مھکمیں جزمءِ نمونگے بوتگ۔
