اسلام آباد۔05جنوری (اے پی پی ) ھالءُ اھیوالکاریءُ شنگکاری ، راجدپتر ءُ لبزانکی ورثہ مریم اورنگزیب ءِ زبیدہ آپا ءِ بیرانیءِ سرءَ دلپدردیءِ درشانی کتگءُ گمءُ ڈکھ ءِ درشانی کتگ۔ جمعہ ءِ روچءَ وتی دلپدردی بیانءِ تہا ملکی وزیرءَ گشتگ کہ زبیدہ آپا وتی جتاھ ورگ جوڈ کنگءِ مراگش ءِ وسیلگءَ چہ سرجمیں پاکستانءَ نامدار بوتگ۔ ورگ جوڈ کنگءُ رودراَتکی دودءُ ربیدگ ءَ را گیش کنگءَ آئی ءِ کردءَ تاں دیراں یات کنگ بیت ۔ زبیدہ آپا ءَ ورناھیں نسل ءِ تہا جوانیں تبءُ میل ءِ گیشی ءُ چاگردءِ تہا جوانیں تبءُ میلءَ را گیش کنگءَ بازیں اِزمت داتگ۔ ملکی وزیر ءَ دعا کتگ کہ اللہ تعالیٰ ھُدامُرزی ءَ را وتی رحمتانی تہا جاگہ بہ بنت ءُ پُشپدءَ را سگءُ اوپار بہ دنت۔
