اسلام آباد۔05جنور ی (اے پی پی) ھزانگ، اقتصادی کار ءُ محصولاتءِ ھاترءَ مزن وزیر ءِ سلہ کار ڈاکٹر مفتاح اسماعیل ءَ فیڈریشن آف پاکستان چیمبر زآف کامرس اینڈانڈسٹریز ءِ گیچن کاری ءِ تہا صدرسوبمند بوھگءَ ایف پی سی سی آئی ءِ نوک گچین بوتگیں صدر غضنفر بلور ءَ را مراد بات داتگ۔ مزن وزیر ءِ صلہ کار ءَ گشتگ کہ غضنفر بلورءِ سوبمندی صنعت ءُ بیپاریءِ پڑآں آئیءِ تجروبت ءِ سبوت اِنت ءُ آئیءَ را سرجمءَ اوست اِنت کہ صدارتءِ دورءُ زمانگءَ ایف پی سی سی آئی دراھیں سٹیک ہولڈرز ءِ شور ءُ صلاھ ءَ چہ ملک ءِ تہا بیپاری ءُ زرکاری ءِ گیش کنگءِ ھاترءَ ماحولءَ را سازگار کنگءِ ھاترءَ بازجوانیں کرد پیلو کنت۔ وتی کلوھءِ تہا مزن وزیر ءِ صلہ کار ءَ یونائٹڈ بزنس گروپ ءِ سروک ایس ایم منیر ءَ را فیڈریشن آف پاکستان چیمبرز آف کامرس اینڈ انڈسٹریز ءِ گچین کاری ءِ تہا آئیءِ گروپ ءِ سوبمندی ءِ سرءَ مراد بات داتگ ءُ آئی ءِ ھاترءَ نیکیں واھگانی درشانی کتگ۔
