اسلام آباد ۔ 5 جنوری (اے پی پی) ڈپٹی چیئرمین پلاننگ کمیشن سرتاج عزیز ءَ گوشت کہ ملک ءِ باندات ءِ دیمروئی ءِ زمہ واری پاکستان ءِ آپی وسیلگ ءِ دراجی ءُ جوانیں کارمرزی ءِ سرا انت ۔ایشی ءِ ھاترا بنجاہی حکومت وتی کرد ءَ ادا کنگءَ انت،آبادی ءِ تہءَ ودکی ءَ سرجمیں دگنیا ءِ ڈگار ءُُ آپ ءِ وسیلگ ءِ سرا بھرمان کتگ،ایشی ءَ پہ الم انت کہ آپی وسیلگ ءَ را رکھگ بہ بنت۔آہاں گوشت کہ پلاننگ کمیشن ءَ پاکستان ءِ آپ ءِ کمی دور دیگ ءُُ توان پیدا کنگ ءِ ھاترا مھکمیں منصوبگ بندی کتگ انت۔آپ ءِ وسیلگ ءَ را رکھگ ءُُ کشت ءُ کشاری ءِ دیمروئی ءِ تہ ءَ ھاصیں کردادا کتگ۔آہاں گوشت کہ آپ ءِ کارمرز ءِ تہءَ (کفایت شعاری )ایشی ءِ تہ ءَ کشار ءَ را آپ دیگ ءِ ھاترا جوانیں وڑ ءُُ پیم ،اے رنگیں کشارپیدا کنگ ہماءِ تہ ءَ آپ کم ءَ چہ کم کارمرز بیت ءُُ فصل ءَ را آپ دیگ ءِ نوکیں وڑ ءَ را دیما آرگ ءِ سک ضلورت انت۔ سنٹرل ڈویلپمنٹ ورکنگ پارٹی ءِ گوستگیں دیوان ءِ تہ ءَ آپ ءِ وسیلگ ءَ گوں ہمگرنچ 5.8 ارب کلدارءِ منصوبگ ءِ منظوری داتگ۔دیوان ءِ تہ ءَ وزارت آپی وسیلگ ءِ نیمگا چہ 5 ارب 83کروڑ 36لکھ 62ہزارکلدار ضلع راولپنڈی ءِ تہ ءَ پاپن ڈیم ءِ جوڑ دیگ ءِ منصوبگ پیش کنگ بوتگ۔ایشی ءِ مول ءُُ مراد پنجاپ ءَ کشت ءُُ کشاری ،میونسپل،صنعت،چاگڑدءِ ھاترا گیش بوتگیں ضلورت پیلو کنگ انت اے منصوبگ 89 ہزار 600 ایکڑ فٹ آپ دا رایت ھما کہ 20 ہزار ایکڑ بارانی ڈگار ءَ را کشت ءُ کشاری ءِ ھاترا آپ پھجارین ایت ۔اے منصوبگ ءَ را دیوان ءَ ودکی منظوری ءِ ھاترا ایکنیک ءَ را دیم دیگ بوتگ۔
