لاہور ۔ 04جنوری (اے پی پی)یونائٹڈ بزنس گروپ (یو بی جی) ءِ چیئرمین افتخار علی ملک ءَ امریکی صدر ڈونلڈ ٹرمپ ءِ پاکستان ءِ ھلاپ ٹویٹ ءَ را ایراد جنان ءَ اے معاملہ ءِ تہ حکومت ءُُ سلاھ بندیں اُرد ءَ گوں تپاکی ءِ درشان کتگ ءُُ گوشت کہ امریکہ اوگانستان ءِ تہ ءَ وتی پروش ءِ پدا مئے حکومت ءِ سرا دروگیں بھتام جنگ ءَ انت۔پنچ شمبے ءَ یونائٹڈ بزنس گروپ (یو بی جی)ءِ چیئرمین افتخار علی ملکءَ بنجاہی کور کمیٹی ءِ دیوان ءِ سروکی کنگ ءِ پدا اھوالکاراں گوں تران کنان ءَ گوشت کہ اے جیڈھ ءَ تیوگیں اُلس یک تاک انتءُُ دراھیں ملک ءِ بیوپاری براتری حکومت ءُُ سلاھ بندیں اُردو ءَ گوں یکجہتی ءِ درشان کنگ انت ءُُ کسے ءَ را پاکستان ءِ نیمگا ردیں چماں چارگ ءِ اجازت نہ ات۔آہاں گوشت کہ پاکستان ءِ ھلاپ ءَ بیم کارگلانی بنجل ءِ ھوالہ ءَ ٹرمپ ءِ بہتام راست نہ انت ءُُ بے بنیں بہتام انت چیاکہ پاکستان وت اوگانستان ءِ تہ ہندوستانی قونصل خانہ ءِ پشت ءَ چیریں ناشرکاری اُرش آنی نشانگ جوڈ بوھگ انت۔آہاں گوشت کہ ٹرمپ پاکستان ءِ دھمکی ءَ گوں مرعوب کت نہ کنت پرچہ کہ تیوکیں اُلس وتی سلاھ بندیں اُردو ءَ گوں اوشتاتگ انت۔آہاں لوٹ کتگ کہ امریکہ اوگانستان ءِ تہ پاکستان ءِ ھلاپ بھارتی کار ءَ را بند کنائنت بلکہ لائن آف کنٹرول ءُُ ورکنگ باونڈری ءِ سرا گیش بیوکیں بھارتی ھلاپ ورزی آنی چار ءُُ تپاس ھم گرگ بیت۔ آہاں گوشت کہ ٹرمپ انتظامیہ ءَ را ناشرکاری ھلاپی ءِ ھاترا پاکستان ءِ کرد ءَ را منئگ بیت ۔
