اسلام آباد۔ 3 جنوری (اے پی پی) وزیرمملکت اھوالکاری ءُُ شنگ کاری ءُُ راجی مڈی مریم اورنگزیب ءَ گوشت کہ ھما مردم کہ گوشگ ءَ اتنت کہ سعودی عرب ءَ این آر او یا ڈیل بوتگ آ بچار اَنت کہ محمد نواز شریف مرچی پدا نیب ءِ آمید گس ءَ پیش بوھگ ءَ اِنت چار شمبے ءَ ادا کیاسگری آمید گس ءِ ڈن ءَ تران کنان ءَ آئی ءَ گوشت کہ وزیر ءِ مملکت ءَ گوشتگ کہ زیک عمران خان ءَ ھما ٹویٹ کتگ کہ آ ’’دروگیں خان‘‘ جنگ ءَ بے ھیال بوتگ، اگاں آ وتی ٹویٹ ءَ دروگیں خان بجنت گڈا منی ھیال ءَ گہتر اِنت۔ وزیر ءِ مملکت ءَ گوشت کہ عمران خان کامیاتیں سیاستدان ءِ وا جوڑ نہ بوت ءُُ پاکستان ءِ اُلس آں آرا مزن وزیر ھم جوڑ نہ کت، نوں آ شاہ رخ خان جوڑ بوھگ ءِ ناکامیں کوشست ءِ کنگ ءَ اِنت گڈا منی ھیال ءَ اے ھم ھلاس بیت، عمران خان ناشرکاری آمید گس ءَ پیش بوھگ ءَ اِنت، آ وتی توامیں اے کتگیں کار آنی پسو ءَ بہ دنت ھما کہ آئی ءَ پارلیمنٹ ءِ سر ءَ اُرش کتگ، پی ٹی ویی ءِ سرءَ اُرش کتگ ءُُ پد دومی مردم آنی بابت ءَ جُست گپتگ۔ آرا یات دارگ لوٹ ایت کہ وھد ءِ آ کجام کس ءِ نیمگ ءَ لنکُک ءَ چست کنے گڈا ایندگہ سئے لنکُک آنی دیم تئی نیمگ ءَ بنت۔
