اسلام آباد۔ 30اپریل (اے پی پی) پاکستان ئِ جوڑ بوھگ ئَ بہادر ایس پی سنگھا ئِ کتگیں جہد ئُُ کوشست آں ساڑا آن ئَ صدر ئِ ممنون حسین ئَ گوشت کہ شرپ مندیں راج وتی راجی بامرد آں بھ بے ھیال نہ کن اَنت۔ آئی ئَ گوشت کہ پاکستانی راج ھم اے بابت ئَ چہ کس ئَ کم نہ اِنت۔ صدر ئِ مملکت ممنون حسین عیسائی آنی برجم داشتگیں دیوانے ئِ تہ ئَ تران کنان ئَ آئی ئَ گوشت کہ آزاتی ئَ چہ پیسر دیوان بہادر ایس پی سنگھا ئَ پاکستان ئِ جوڑ بوھگ ئَ پہ مزنیں گرانیں اوپار کش اِتگ۔ آئی ئَ گوشت کہ پنجاپ اسمبلی ئِ باسک ئُُ دارچین بوھگ ئِ بستار ئَ سک بازراجی نپ ئُُ سیت ئِ ھاترا گامگیج چست کتگ، اے ھاترا راج آئی سک باز منت وار اِنت۔اے وڑیں دیوان ئِ اڈ دیگ ئِ مول ئُُ مراد ھمے بیت پاکستانی راج وتی راجی بامرد آں بھ بے ھیال نہ کنت۔راجی بامرد توری ھرچ زات ئُُ ھرچ نیک راھی ئِ منوک بہ بیت۔ عیسائی نیک راھی راج ئَ پہ آجوئی ئَ سک باز گرانی اوپار کش اِتگ، پاکستان ئِ توامیں راج ملک ئِ اِزمت ئَ بے چک ئُ پد اَنت۔ مارا اے گپ ئِ سر ئَ پکر اِنت۔ ریاست ئِ دیم ئَ توامیں راج یک بروبر اَنت۔ 11اگست 1947ئَ قائداظم محمد علی جناحئَ وتی گشتانک ئِ تہ ئَ گوشتگ اَت کہ پاکستان توامیں اُلس ئَ را یک بروبریں ھک ئِ دیگ ئِ دلیکیمی دیگ بیت ، ایشی ئِ تہ ئَ کس ئِ رنگ، زات ، نیک راھی چارگ نہ بیت۔ آئی ئَ گوشت استیں حکومت قائداعظم محمد علی جناح ئِ رھبند آنی پد ئَ روگ ئَ اِنت۔ ھمے رد ئَ آئی ئِ گیگان ئَ کنت، ئُُ ایشاں چہ ابید پاکستان ئِ کانود ھم درستانی ھک آنی پُجاری ئَ را المی ارزسشت دنت۔ سردار محمد مصطفیﷺ ئِ پراھ ئُُ شائیگانیں نیک راھی ھمے گپ ئَ سکارین ایت کہ گوں دگراں جوانیں سیادی ، تپاکی دوستی وت مہ وت ئَ نزیکیئَ گیش مھکم کنت۔ صدر ئِ مملکت ممنون حسین ئَ گوشت کہ ایندگہ نیک راھی راج آنی ھاترا گہبودی فنڈ ئِ برجائی، وانگ ئُُ زانگ ئِ پڑ ئَ کمی فنڈ، نیک راھی جاھ آنی ساپ ئُُ سلگاری، آوانی واستہ نیشنل کمیشن ئِ براجائی ئُُ سرکاری پڑ ئَ 11اگست ئَ را ایندگہ نیک راھی روچ ئِ بستار ئَ برجم داری ھم ھوار اَنت۔ صدر ئَ اے روچے برجم داروک آنا مُبارک باد دات۔ آئی ئَ گوشت کہ مئے ملک ئِ وشبو ایں پُل اَنت، ایندگہ نیکراھی اُلس ، مئے براھ اَنت، من آواں گوں دل ئِ جُھلانک آں مبارک بات دیاں۔ اے موہ ئِ سر ئَ دِکہ ئُُ بالیگ آنی وزیر کامران مائیکل، ڈاکٹر الیگزینڈربشپ جان میلک ئُُ بشپ آزاد مائیکل ساڑی اَتاں ، آواں ھم تران کُت۔ آواں ھم دیوان ایس پی سنگھا ئَ را ساڑات۔ اے موہ ئَ دیوان ایس پی سنگھا ئِ سگ ئُُ اوپار کشی ئِ درگت ئَ ڈاک ئِ ٹکٹ جاڑی کنگ بوت۔
