اُلس ئِ اِزمت دیمروئی ئِ راھ اِنت، 2018ئَ تاں وشھالیئُُ رُژنائی ئِ پند ئَ سرجم کناں،
لاہور۔ 30اپریل (اے پی پی) مزن وزیرمحمد نواز شریف ئَ گوشت کہ اُلس ئِ ازمت دیمروئی ئِ راھ اِنت، 2018ئَ تاں وشھالی ئُُ رُژنائی ئِ پند ئَ سرجم کناں ۔ دروگیں سیاست ئِ زمانگ ھلاس بوتگ۔ اُلس ٹوک دیوکیں مردم آنی گپ ئُُ گال آناں رد کنگ ئَ اَنت۔ گڈی باج برئی اُلس ئِ وشھالیل ئِ بیت ۔ مزن وزیر محمد نواز شریف شمبے ئِ روچ ئَ گورنر گس ئَ مزن تک ئِ دیوان ئَ تران کنان اَت۔ اے دیوان ئِ مول ئُُ مراد اُلس ئِ دیمروئی ئُُ بنیاتی آسراتی آنی پُجاری ئِ کار آنی بابت ئَ چار ئُُ تپاسی گرگ اَت۔ اے موہ ئِ تہ ئَ پنجاپ ئِ گورنر ملک رفیق رجوانہ، سر وزیر پنجاب محمد شہباز شریف، بُنجاھی ئُُ صوبائی پڑ ئِ وزیر آں ھوار بازیں مزن مزنیں کارندہ ساڑی اَتاں۔ مزن وزیر محمد نواز شریف ئَ گوشت کہ اُلس ئَ را آئی لوگ ئِ دپ ئَ آسراتی پُجارینگ بیت۔ وانگ ، جان سلامتی، ورگی ساپیں آپ، سرجمیں ملک ئِ اُلس ئَ را پُجارینگ بیت۔ آئی ئَ گوشت اُلس ئِ جیڈھ آناں ، ھما آنی ھند ئُُ میتگ ئَ گیوار کنگ بیت۔ آئی ئَ گوشت کہ میگاپراجیکٹس آنی سرجمی المی اِنت۔ دیمتر ئَ آئی ئَ گوشت کہ ھندی گچین کاری ئِ دومی بھر مئی ئَ المی ئَ سرجم کنگ بیت۔ آئی ئَ گوشت کہ آیوکیںوھد ئَ زوت لوڈشیڈنگ ھلاس کنگ بیت، من زاتی رنگ ئَ اُلس ئِ وشھالی ئِ رند ئَ کپتگ آں ، پندل ساچ آنی دل ئِ ھرابیں مراد آں پورا کنگ نیلاں ۔اے موہ ئِ سر ئَ مزن وزیر ئَ سر وزیر شہباز شریف ئُُ صوبائی وزیر مواصلات ئُُ جوڑیشت ملک تنویر اسلم ئَ را جوانیں دگ ئِ جوڑکنگ ئُُ ایندگہ دیمروئی کارانی بابت ئَ مبارک بات دات۔ مزن وزیر ئَ گوشت کہ بجلی، گیس ئُُ انفراسٹرکچر ئِ ھرچی کہ منصوبگانی بندات بوتگ ایشاناں 2018ئَ تاں سرجم کنگ بیت۔
