اسلام آباد۔ 29اپریل ( اے پی پی) صدر مملکت ممنون حسین ئَ گشتگ انت کہ پاکستان خطہ ئَ امن، محکمی ئُُ وشحالی ئِ ھاتر ئَ درستیں ملک ھاس کن ہمساھگ آں گوں دوستانہ ت تعلق ئِ واہشت مند انت۔ پاکستان ئَ سرمایہ کاری ئِ ھاتر ئَ شریں چاگرد ئُُ دراجیں موہ ھست انت آئی ئَ میاں استمانی سرمایہ کار آں پائدگ دئیگ لوٹیت۔ آئی ئَ اے گپ نہہ تعینات بوﺅکیں لہتیں ملک آنی سفیر آں گوں گپ ئُُ تران کنگ ئَ کرتگ آھاں ئَ صدر مملکت ئَ ایوان صدر ئَ بوﺅکیں پر وقار دیوان ئَ وتی سفارتی سند پیش کرت انت۔ جمعہ ئَ 5ملک آنی سفیر ئُُ یک ہائی کمشنر ئَ صدر مملکت ئَ وتی سفارتی سند پیش کرت انت۔ سند سفارت پیش کنوک ملک آں سفیر آں بر طانیہ ئِ ہائی کمشنر تھامس ڈریو، انڈونیشیائِ سفیر ڈاکٹر آئیون سیودھی امری، جاپانئِ سفیر تاکاشی کورائی، ارجنٹائن ئِ سفیر اائیوان ایو انیسیوچ، ایکواڈور ئِ سفیر انجینئر ھمبر ٹوونیوز اروڈر گیوز ئُُ لتھوانیائِ سفیر آدریس برزگا ھوار ات انت۔ سفں سند سفارت پیش کنگ ئَ پد صدر مملکت ئِ گوںجتا جتائیں گند ئُُ نندکرت انت۔ اے موہ ئَ صدر ئَ گشتگ کہ پاکستان ئَ نا شرکاری ئِ ھلاپ جنگ ئَ باز قربانی داتگ انت ئُُ آ اے لعنت ئِ ھلاسی ئِ ھاتر ئَ پر ازم انت چوشکہ آپریشن ضرب ئُُ عضب ئِ شریں آسرات رسگ ئَ انت ئُُ اے آھری نا شرکاری ئِ تاںھلاسی ئَ برجاہ مانیت۔
