اسلام آباد۔ 29اپریل (اے پی پی) وزیراعظم محمد نواز شریف قومی اسمبلی نا حلقہ این اے 267جھل مگسی نا ضمنی گچین کاری تے ٹی مسلم لیگ (ن) نا اومیت دار خالد مگسی نا سرسہبی آ اودے مبارکبادی پیش کرسا پارینے کہ داصرف مسلم لیگ (ن) ہی نا آخا بلکن بلوچستان نا الس و روشن پاکستان نا فتح ئِ۔ اوپارے کہ دا بلوچستان اٹی امن اتنگ نا کوشست آتا فتح ئِ۔ وزیراعظم پارے کہ دا بلوچستان اٹی شون و شونہالی نا جاری سفر نا فتح ئِ۔ دا بروک آ دے تے ٹی پاک چین اقتصادی راہداری ڈٹ انا بلوچستان اٹی بھرم آتا فتح ئِ۔ وزیراعظم پارے کہ دا ہمو عنصر آتا شکست ئِ ہرا پاکستان نا شون نا کسرئِ توننگ خوارہ۔ ہرا پاکستان ئِ تہاری تے ٹی دِکہ تننگ خوارہ ۔ اوپارے کہ بلوچستان نا الس مسلم لیگ (ن) نا حق اٹی فیصلہ ترسا دا سفائُ کلہو اس تسنو کہ او او عنصر آتے بے سہب کیرہ۔
