اسلام آباد۔ 29اپریل (اے پی پی) وزیر داخلہ چوہدری نثارعلی خان نجی ٹی وی چینل نا صحافی اقرارالحسن نا دزگیری آ سخت تشویش نا درشانی ئِ کرسا پارینے کہ مچ آ دنیا ٹی صحافی اسٹنگ آپریشنز کیرہ، اسہ جاگہ اس ہم اوفتے تون ہموسلوک مفک ہراکراچی ٹی مننگ ئِ ۔ جمعہ آ تینا اسہ بیان اسے ٹی وزیر داخلہ پارے کہ اقرارالحسن اسہ باصلاحیت و متحرک صحافی اسے ، اونا کاریم نا ستائِ کننگ آن بیدس اوڑتون رواتخوک آ سلوک بے کچ نامناسب ئِ ۔ اوپارے کہ بنجائی و صوبائی حکومت آتے دننگا اسٹنگ آپریشن آ ناراض مننگ آن بیدس اوفتے آن سبخ و راہشونی ہلوئی مرے۔ بنجائی وزیر داخلہ سیکرٹری داخلہ ئِ آئی جی پولیس سندھ اتون ہیت کرسا معاملہ ئِ گچین وڑاٹ ایسر کننگ ناپارت کرے۔
