اسلام آباد۔ 05دسمبر (اے پی پی) کراچی ٹی شارع فیصل آ نجی ہوٹل اسے ٹی خاخر لگنگ نا سوب دم کُٹنگ و ہُشنگ انگ آن 11بندغ کسکر و 65ٹھپی مسنو۔ پی ٹی وی نا رداٹ شارع فیصل آ نجی ہوٹل اسے نا گراﺅنڈ فلور آ نن نیمہ غا خاخر لگنگ نا واقعہ پیش بس ہراٹی چناو نیاڑی تتون اوار 11بندغ کسکر و 65آن زیات ٹھپی مسنو۔ کہوک آ بندغ آتا لاش و ٹھپی تے جناح ہسپتال آ گدریفنگانے۔ ہسپتال نا ڈاکٹر سیمی جمالی نا پاننگ ئِ کہ زیات مرک آک مول انا سوب دم کُٹنگ آن مسنو۔ کہوک آ تیٹی 3نیاڑی ہم اوار ئُ وخت اس کہ 30ٹھپی مروک آتا حالیت نازرک ئِ۔ فائر بریگیڈ کمامدارآتارداٹ ہوٹل نا ماڑی اٹی مول انا پُر مننگ نا سوب امدادی کارروائی تیٹی مشکلات آتا مون تروکی مس ولے فائر بریگیڈ نا عملہ خاخر نا تقریباََ 3گھنٹہ ٹی مون ئِ توریر۔ ریسکیو کمامدارآتا پاننگ ئِ کہ واقعہ نا وخت آ چندی درملکی ہم ہوٹل اٹی ساڑی ئسر۔ ہوٹل انتظامیہ و ریسکیو کمامدارآک ہوٹل اٹی ساڑی مول ئِ کشنگ آن گڈ ہوٹل اٹی ساڑی ایلو بندغ آتے ہم بحفاظت پیشن کشار۔
