تیانجن ۔31اگست (اے پی پی): مزن وزیر محمد شہباز شریف ءَ تیانجن یونیورسٹی میں نیشنل ارتھ کوئیک سمولیشن سینٹر ءِ تر ءُ تاب کت ءُ چین ءِ نیمگ ءَ چہ قدرتی آفت آنی گوما گر ءُ دار ءِ واستہ نوکیں ٹیکنالوجی ءِ کارمرد کنگ ءِ توسیپ کت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ راجی زلزلہ نقلی مرکز ءَ مزن وزیر ءَ را ڈیزاسٹر مینجمنٹ ءُ ریسکیو ٹیکنالوجی آنی ھوالگ ءَ نوکیں دیمروئی کتگیں میڈیکل ریسکیو گاڑی آنی ھوالگ ءَ بریفنگ دیگ بوت۔ مزن وزیر ءَ را قدرتی آفت آنی واستہ رکھینگی گامگیج آنی واستہ جوڑ کتگیں جدید ٹیکنالوجی ءِ ھوالگ ءَ سرپد کت۔ مزن وزیر ءَ را گوشگ بوت کہ چین ءُ پاکستان ءِ کمک ءَ اے درگت ءَ بازیں منصوبگ است اَنت ءُ بازیں منصوبگ آنی سر ءَ کار برجاہ اِنت۔ اے منصوبگ آنی تہ ءَ بیلٹ اینڈ روڈ ءِ رد ءَ جوڑ بوتگیں چین ءُ پاکستان ءِ یکجائی لیب برائے ڈیزاسٹر اینڈ ایمرجنسی میڈیسن، میاں اوستمانی طبی کمک ءِ مرکز، چین ءُ پاکستان ءِ دوستی ءِ نادراھجاہ ءُ دگہ منصوبگ ھوار اَنت۔ مزن وزیر ئَ گوشت کہ چین ئَ کارمرد بوتگیں نوکیں ٹیکنالوجی ئُُ رپک پاکستان ئَ قدرتی آفت ئَ گوں گر ءُ دار ئَ سک باز کارآمد ثابت بنت۔ چینی مہارت ءَ چہ پائدگ چست کنگ ءَ پاکستان آیوکیں وھد ءَ قدرتی آفت آنی گوما گر ءُ چیل بوھگ ءِ واستہ موثر رکاوٹ ءِ گامگیج ءُ حکمت عملی آناں کارمرد کنگ ءِ ھاترا توانمند بیت۔ مزن وزیر ءَ گوشت کہ پاکستان ءَ انٹرنیشنل میڈیکل سینٹر ءُ چین پاکستان ءِ یکجائی لیب ءِ وڑیں منصوبگ آناں قدرتی آفت آنی گوما گر ءُ چیل بوھگ ءِ واستہ گیش سرگرم کنگ بہ بیت ءُ اے درگت ءَ چین ءُ پاکستان ءِ نیام ءَ شریکداری ءَ را گیش پراھی کنگ بہ بیت۔ مزن وزیر ءَ گوشت کہ پاکستان ءَ گوستگیں سیلاب ءِ جاور ھال ءَ گوں گر ءُ چیل بوھگ ءِ واستہ راجی تک ءَ مھکمیں کوشست بوھگ ءَ انت۔ ناروال، سیالکوٹ، وزیر آباد، حفیظ آباد، چنیوٹ ءُ جھانگ ءَ گوستگیں سیلاب ءِ جاور ھال ءَ چہ آماچیں ھاندان آنی واستہ وفاقی حکومت ءِ نیمگ ءَ مرچی گیشیں کمکی سامان روان دیگ بوتگ کہ آ صوبائی ڈیزاسٹر مینجمنٹ اتھارٹی ءِ دست ءَ دیگ بنت۔ مزن وزیر ءَ این ڈی ایم اے ءَ را زور پر دات کہ آ ملک ءَ گوستگیں سیلاب ءِ جاور ھال آنی رد ءَ پنجاب حکومت ءِ گوما سرجمی ءَ رابطہ ءَ بہ دار ایت ءُ صوبائی آفت ءِ گر ءُ دار ءِ واکدار آناں سرجمی ءَ کمک بہ کنت۔ آئی ءَ گوشت کہ سیلاب ءَ چہ آماچیں ھاندان آنی واستہ کمکی کار برجاہ بنت۔