لاہور۔30اگست (اے پی پی): مزن وزیر محمد شہباز شریف ءَ وتی چین ءِ تر ءُ تاب ءِ ساھت ءَ ایس سی او ءِ سروکیں دیوان ءَ بھر زوری ءَ ابید بیجنگ ءَ دومی جھان جنگ ءَ چین ءِ فاشزم ءِ سر ءَ سوبمندی ءِ ھشتاد سالی مراگش ءَ ھم بھر زور آں ۔ شمبے ءِ روچ ءَ چین ءِ روگ ءَ پیسر سوشل نیٹ ورکنگ ویب سائٹ ’’ایکس‘‘ ءِ سر ءَ وتی پوسٹ ءِ تہ ءَ مزن وزیر ءَ گوشت کہ من چین ءِ راجدپتری تر ءُ تاب ءِ واستہ روگ ءَ آں، من تیانجن ءَ ایس سی او ءِ سروک آنی دیوان ءَ بھر زوری کناں ءُ بیجنگ ءَ دومی جھان جنگ ءَ چین ءِ فاشزم ءِ سر ءَ سوبمندی ءِ 80 سالی مراگش ءَ ھم بھر زوری کناں۔ مزن وزیر ءَ گوشت کہ من چین ءِ صدر شی جن پنگ ءُ ایندگر دگنیا ءِ سروک آنی گوما گند ءُ نند ءِ واھشت مند آں تانکہ چین کہ آزمائش ءِ ہر کلاک ءَ مئے اسٹریٹجک کوآپریٹو پارٹنر اِنت ءُ ھمے رنگ ءَ دمگ ءِ ایندگر ملک آنی گوما کلیدی ملک آنی گوما دو نیمگی سیادی ءَ را گیش مھکم کنگ بہ بیت، دمگی کمک ءَ را گیش مھکم کنگ بہ بیت، کثیر جہتی امن ءِ دیمروئی ءِ نظام ءَ را گیش مھکم کنگ بہ بیت۔
