کوئٹہ۔ 29اپریل (اے پی پی) چیف سیکرٹری بلوچستان سیف اللہ چٹھہ نا کماشی ٹی ریڈزون نا سیکورٹی نا بابت دیوان اس اڈ ہلک ہراٹی وزیراعلیٰ سیکرٹریٹ و سول سیکرٹریٹ تون اوار اہم تنصیبات و ہند آتاسیکورٹی آن بابت معاملہ غاتا سرجم جاچ ئِ ہلنگا۔ دیوان اٹی سیکرٹری ایس اینڈ جی اے ڈی بلال احمد جمالی، سیکرٹری خزانہ مشتاق احمد رئیسانی سیکرٹری آئی ٹی ڈاکٹر محمد عمر بابر و ایلو تعلقدار کمامدار آک شرکت کریر۔ دیوان ئِ بریفنگ ترسا ڈائریکٹر جنرل محکمہ انفارمیشن ٹیکنالوجی خالد شیر دل پارے کہ سول سیکرٹریٹ اٹی جتا ہند آتیا پوسکنئُ کیمرہ خلنگانے ، ہرافتے ٹی نائٹ ویژن کیمرہ غاک ہم اوارو و غٹ خلقت آتے کن واک تھرو گیٹ اس ہم خلنگانے۔ اوپارے کہ زوت ہی آر ایف آئی ڈی سسٹم ہم خلنگک۔ اوکان بیدس گاڈی تا نمبر پلیٹ آتے چیک کننگ کن کیمرہ خلنگانے۔
