اسلام آباد۔ 29اپریل (اے پی پی) وزیراعظم محمد نواز شریف پارینے کہ حکومت نا اسلوب حکمرانی نا وژن شفافیت و مستعدی آ مبنی ئِ و د اہڑتوم آ پلو آتیا ہچ ئُ سمجھوتہ اس مفک۔ اوداہیت ئِ وزیر مملکت مواصلات عبدالحکیم بلوچ تون ہیت و گپ کرسا پارے ہراجمعہ آوزیراعظم ہاﺅس اٹی اوڑتون اوڑدہی کرے۔ اوڑدہی ٹی مچ آ ملک اٹی جاری و بروک آ شونداری ڈٹ آتیا درشانِ خیال مس۔ وزیراعظم ئِ پاننگاکہ موٹروے ڈٹ آتا بنائِ کرسا شفافیت ئِ باوری جوڑ کننگ انگ ئِ و تخوک آ وخت انا تہہ ٹی اوفتا پوروی آ ہچ ئُ سمجھوتہ اس کننگپک وخت اس کہ پاک چین اقتصادی راہداری ڈٹ آتون اوار 800 ارب روپئی مالیت نا بنداوی ڈھانچہ نا شون نا دا ڈٹ آک اِرٹ آن مسہ سال اٹی پورو مریرہ۔
