اسلام آباد۔ 29اپریل (اے پی پی)وزیراعظم محمد نواز شریف پارینے کہ حکومت فاٹا اصلاحات آتا گرج آتیان جوانی اٹ معلومدار ئِ و فاٹا نا آخبت نا فیصلہ الس نا است خواہی تے مون آتخسا کننگک و قبائلی الس آ ہچ ئُ فیصلہ اس بِٹنگپک۔ اوداہیت ئِ گورنر خیبر پختونخوا اقبال ظفر جھگڑا تون جمعہ آ وزیراعظم ہاﺅس اٹی ہیت و گپ کرسا پارے۔ اوڑدہی ٹی فاٹا نا شون آن بابت معاملہ غاتیا ہیت و گپ مس۔ وزیراعظم قبائلی الس نا جوزہ حب الوطنی نا ستائِ کرسا پارے کہ قبائلی خلقت آک عظیم تر قومی کاز کن تینا اُرا و باوہ پیرہ ہی آ ہند آتے ہلسا و اوفتا قربانیک گم مفسہ۔ اوپارے کہ دا کنا وژن ئِ کہ فاٹا نا الس ئِ پاکستان نا ایلو شاری تیانبار زند انا آب دوئی مرے۔
