اسلام آباد۔ 29اپریل (اے پی پی) وزیراعظم محمد نواز شریف پارینے کہ او قوم ئِ تینا میرات آتا بارواٹی مست آن پت اٹی ہلکونے ، ای منپرہ نا رٹ ئِ خلوک آک ننا مثبت گام آ تینا منفی رویہ نا درشانی ئِ کننگ ئُ ۔ او داہیت ئِ مسلم لیگ (ن) نا قومی اسمبلی نا باسک سردار محمد عرفان ڈوگر(134-NA)، عالم داد لالیکا(189-NA)و میاں نجیب الدین اویسی (184-NA)تون ہیت و گپ کرسا پارے ہراک جمعہ آ وزیراعظم ہاﺅس اٹی اوفتے تون جتا جتا اوڑدہی کرے۔ وزیراعظم پارے کہ غٹ سیاسی پارٹی تا رائے نا رداٹ چیف جسٹس نا چاری گری ٹی کمیشن اس جوڑ کننگ نا فیصلہ کرینے ولے او عمل آ ہم مخالفینک تینا پینترا ئِ ولدا بدلیفینوو کھوکھلے نعرہ غاتیا سیاست کننگ ئُ ، وزیراعظم پارے کہ او ملک اٹی ریکارڈ ڈٹ پورو کرفینے و الس چاہک کہ او ڈٹ آتا رسمی بنائِ کپک بلکن ہرا ڈٹ انا بنداوئِ تخک اودے ایسری اسکان رسیفک ۔ وزیراعظم پارے کہ او تدوک آ دے مانسہرہ ٹی گیس فراوانی نا مسہ پوسکن ئُ ڈٹ آتا افتتاح ئِ کرینے ہرافتے آن ایبٹ آباد آن مانسہرہ ، مانسہرہ آن اوگی و مانسہرہ آن شنکیاری اسکان گیس انا فراوانی نا بناءمریک۔ وزیراعظم داوخت آ پارلیمان نا باسک آتے تلقین کرے کہ او سچا است اٹ الس نا دے و نن خذمت ئِ کیر۔
