اسلام آباد۔ 29اپریل (اے پی پی) صدر مملکت ممنون حسین پارینے کہ پاکستان ڈیہہ ٹی امن ، سوگوی و شونہالی کن غٹ ملک خاص کر ہمسایہ غاتون تعلقداری تا خوائش مندئِ ، پاکستان اٹی زرکاری کن سازگار چاگڑد و بھلو وارخواہی اس ساڑی ارے ، ہراڑآن بین الاقوامی زرکار آتے فائدہ ہرفوئی مرے۔ او داہیت ئِ پوسکن تعینات مروک آ جتا ملک آتا سفیر آتون ہیت و گپ کرسا پارے ہراک صدر مملکت ئِ ایوان صدرا ٹی اڈ ہلوک آ پروقار دود اٹی تینا سفارتی سند آتے پیش کریر۔ جمعہ آ 5ملک آتا سفیر و اسہ ہائی کمشنر اس صدر مملکت ئِ تینا سفارتی سند آتے پیش کریر۔ سند سفارت پیش کروک آ ملک آتا سفیر آتے ٹی برطانیہ نا ہائی کمشنر تھامس ڈریو، انڈونیشیانا سفیر ڈاکٹر آئیون سیودھی امری، جاپان نا سفیر تاکاشی کورائی، ارجنٹائن نا سفیر آئیوان ایوانیسیوچ، ایکواڈور نا سفیر انجینئر ھمبر ٹو ونیوز اروڈر گیوز و لتھوانیا نا سفیر آدریس بزرگااوارئسر۔ سفیر آک سند سفارت پیش کننگ آن گڈ صدر مملکت تون جتا جتا اوڑدہی کریر۔
