مانسہرہ۔ 28اپریل (اے پی پی) مزن وزیر محمد نواز شریف ئَ گشتگ انت کہ خیبر پختونخوا ئَ نوکیں پاکستان ماں جوڑ کنگ ئَ انت، اُلس پاکستان ئِ دیمروی ئِ راہئَ ھستیں بوﺅکیں زورگ ئَ شانک دئیگ بیت۔ سازش کنوک آں اُلس دو چار کپیت، ماں نعرہ جنئگ ئِ سرا نہ کار کنگ ئِ سرا یقین دار انت۔ مارا ایجنڈا دھرنا دئیگ ئَ نہ بلکں پاکستان ئَ دگنیا ئَ شریں ملک جوڑ کنگ ئِ نیمگ ئَ گامزن کنگی انت۔ تاں 2018لوڈ شیڈنگ ئِ ھلاسی کنگ بیت، توان دو نیم کلدار یک یونٹ ارزان کنگ ئَ انت، گرانی ئِ کجام بوتل ئَ بند کرتگ انت ملک مسئلہ ئِ دلدل ئَ در بوھگ ئَ انت ئُُ اقتصادی ٹیک آف کنگ ئِ ھاتر ئَ تیار انت۔ ہزارہ یونیورسٹی ئِ ھاتر ئَ یک ارب ئِ گرانت، لیپ ٹاپ ئِکساد دو گناہ کنگ، مانسہرہ ، بالا کوٹ، بٹل، چھتر پلین، ناران کاغان ئِ دمگ ئِ ھاتر ئَ گیس دئیگ ئِ جار بہ جناں۔ پیٹرولیم مصنوعات ئِ قیمت زیات کنگئِ سمری رد کرتگ انت۔ مانسہرہ بائی پس، ایبٹ آباد فوارہ چوک ئَ پبلک سکول ئَ یک ارب کلدارے ئِ لاگت ئَ سروس روڈ ئِ جوڑ ئُُ جاڑی ئِ ھواری ئَ بازیں دیمروی منصوبہ بندات کنگ ئَ انت۔ پنچ شمبے ئَ ڈھڈیال ئَ اُلسی اجتماع ئَ تران کنگ ئَ مزن وزیر محمد نواز شریف ئَ گشتگ کہ مرچی ڈھڈیال ئَ آھگ ئَ آئی ئَ چنکس وشی بوھگ ئَ انت ۔ ایشی ئِ ادا ُلس ئِ انداز ہ کرت نہ کنت اُلس ئِ جوش ئُُ جبزگ ئُُ پر امیت دیم سیل کنگ ئَ آ بے ھد وش انت۔ آئی ئَ گشتگ کہ مرچی ئِ دیمروی ئُُ وشحالی ئِ سفر ئَ در بوتگ اوں، جلسہ، جلوس ئِ مہم ئِ سرا نہ، مرچی ادا اللہ ئِ فضل ئُُ کرم ئَ یک تاریخی منصوبہ ئِ سنگ بنیات دارگ آتگ اوں۔ مزن وزیر ئَ گشتگ کہ من ھر وھد ئَ گشتگ اوں کہ اللہ ئِ فضل ئُُ کرم ئَ ماں درستیں پاکستانئِ دیمروی ئُُ اُلس ئِ وشحالی ئُُ آئی ئِ شر ی ئِ ئُُ بے روزگاری ئِ ھلاسی ئِ ایجنڈا دار انت۔ مئے دھرنا ئِ ایجنڈا نہ انت۔ ماں ملک ئَ شریں ملک جوڑ کنگ ئِ ایجنڈا دار انت ئُُ ملک اے نیمگ ئَ روان انت۔ مزن وزیر ئَ چیئر مین این ایچ اے ئَ لوٹگ ئُُ استفسار کرتگ کہ موٹر وے جوڑ بوھگ ئَ پد چنکس وھد بہ لگیت آئی ئَ آئی ئَ گشتگ کہ یک ئُُ نیم کلاک بہ لگیت۔ مزن وزیر ئَ گشتگ کہ کجا پنچ کلاک، کجا یک ئُُ نیم کلاک، انشاءاللہ من ایبٹ آباد ئَ ہم سڑک ئِ ذریعہ ئَ موٹروے ئَ ہمگرنچ بہ کناں ئُُ اے درستیں خطہ ئِ ھاتر ئَ وشحالی، امن ئُُ پاکستان ئِ دیمروی ئِ کلہو بیت۔ آئی ئَ گشتگ کہ چنکس مہر منا لاہور، کراچی، کوئٹہ، پشاور ئَ انت، اینکس منا ڈھڈیال ئُُ شنکیاری ئِ اُلس ئَ انت۔ من وتی مہر ئِ ثبوت دئیگ ئَ اوں، ماں ھالی نعرہ نہ جن انت۔ آئی ئَ گشتگ کہ من آ مردم اوں کہ الما فیتا نہ کاٹ کن انت بلکں دیمروی منصوبہ آں سرجم ہم بہ کن انت۔ آئی ئَ گشتگ کہ پاد چکوک پاکستان ئِ دیمروی ئِ راہ ئَ حائل بئینت گڑا اے اُلس آھاں زورگئَ ڈن شانک دنت۔
