بیجنگ/اسلام آباد۔ 28اپریل ( اے پی پی) بنجاہی وزیر منصوبہ بندی، دیمروی ئُُ گہتری احسن اقبال ئَ گشتگ انت کہ دیوار چین ئِ وڑ ئَ چین پاکستان اقتصادی راہداری منصوبہ ئِ نقوش تاریخ بے ھال کرت نہ کنت ۔ اے منصوبہ پاکستان ئِ درستیں دمگ آنی ھاتر ئَ دیمروی کیت ، توانائی ئِ منصوبہ اولی مرحلہ ئَ ترجیح داتگ انت۔ ٹرانسپورٹ ئِ نوکیں انفراسٹرکچر پاکستانی معیشت ئَ میاں استمانی مسابقت ئِ ھاتر ئَ تیار کنگ بیت۔ اے ھیال آنی درشانی آئی ئَ پنچ شمبے ئَ بیجنگئَ سی پیک سرمایہ کاری کانفرنس ئَ تران کنگ ئَ کرتگ۔ بنجاہی وزیر ئَ گشتگ کہ حکومت پاکستانئِ گہتری ئِ وجہ ئَ پاکستان ئِ ھساب دگنیا ئِ اولی 8تیز دیمروی کنوک معیشت ئَ کنگ ئَ انت۔ آئی ئَ گشتگ کہ پاکستان راج دیمروی ئِ ھاتر ئَ کمر بستہ بوتگ انت ، چینی سرمایہ کار آنی ھاتر ئَ پاکستان ئَ معدنیات، کشت ئُُ کشار، انفراسٹرکچر ، ٹیکنالوجی ئُُ صنعت آنی شعبہ ئَ پر کشش امیت ھست انت ، چینی تجربت ئُُ ٹیکنالوجی ئُُ پاکستان ئِ محل وقوع ئُُ کم پیداواری لاگت یکجا اقتصادی آشوب آﺅرت کنت۔ آئی ئَ گشتگ کہ چین سی پیک ئِ دو سال آں پاکستان ئَ سرمایہ کاری ئِ ھاتر ئَ 16می لمبر ئَ اول لمبر ئِ سرا آتگ انت۔ آئی ئَ گشتگ کہ بلوچستانئُُ خیبر پختوا معدن ئَ پر انت۔ آئی ئَ گشتگ کہ پاکستان ئَ سیاسی نا محکمی ئِ ھترہ نیست، چینی کار ندہ پاکستانی راج ئِ مہمان انت۔
