اسلام آباد۔ 28اپریل (اے پی پی) وزیر مملکت دیر و بجلی عابد شیرعلی پارینے کہ حکومت نا بجلی نا بشخ وپانٹ کار کمپنی تا نجکاری نا ہچ ئُ پروگرام اس اف، بجلی نا نرخ آتے ودفنگ کن آئی ایم ایف نا کنڈآن دباﺅ نا تاثر بے بنداوئِ ، بجلی نا ترسیلی نظام ئِ گچین جوڑ کننگ نا گرج ئِ ، غٹ وزارت آتا ماڑی تے شمسی توانائی آ گدریفنگک ، صوبہ غاک راضی مریر تو بشخ وپانٹ کار کمپنی تا انتظام ئِ اوفتا حوالہ کینہ۔ اوداخیال آتا درشانی ئِ پنچ شنبے آ داڑے قوی اسمبلی نا قائمہ کمیٹی دیر و بجلی ئِ بریفنگ ترسا کرے۔ عابد شیرعلی پارے کہ اسلام آباد اٹی نیٹ میٹرنگ نا بناءمسنے ولے اونا دنگئِ گیشترکرسا ننے داہم ہروئی ئِ کہ انت ساڑی آ سسٹم لوڈ ئِ سگنگ کیک یا آخا۔
