اسلام آباد۔ 28اپریل (اے پی پی) صدر مملکت ممنون حسین پارینے کہ ملکی شون اکن تعلیم بنداوی ئِ حیثیت اس تخک ہنداخاطران ملک اٹی تعلیم نا آب ئِ گچین جوڑ کننگ نا سخت کوشست و پبی وڑوڈول اٹ کاریم کننگ نا گرج ئِ ۔ صدر مملکت داہیت ئِ قائد اعظم یونیورسٹی نا وائس چانسلر ڈاکٹر جاوید اشرف و کامسیٹس انسٹی ٹیوٹ آف انفارمیشن ٹیکنالوجی نا ریکٹر ڈاکٹر سید محمد جنید زیدی تون ہیت و گپ کرسا پارے ہراک پنچ شنبے آ اوڑتون ایوانِ صدر اٹی جتا جتا اوڑدہی کریر۔ صدر مملکت پارے کہ قائد اعظم یونیورسٹی ملک انا اسہ شون و شان تعلیمی ئُ ادارہ اسے ہرادے برقرارتخنگ و اونا کارکڑد اٹی پین گچینی کن پدریسہ کاریم کننگ نا گرج ئِ ۔ صدر کامسیٹس انسٹی ٹیوٹ آف انفارمیشن ٹیکنالوجی نا تعلیم نا بشخ اٹی خذت آتا ستائِ کرے و پارے کہ دا چرجوئی ٹی ادارہ تون پبی کمک کننگک۔
