اسلام آباد۔ 16نومبر (اے پی پی) وزیر مملکت اطلاعات ، نشریات و قومی میرات مریم اورنگزیب پارینے کہ سرکاری افسر آتا تربیت و نجی بشخ اٹی میڈیا مینجمنٹ نا سکل آتیٹی ودکی پوسکن ، عالمگیر رجحان و تشہیر نا پوسکن آ تیکنیک بشمول سوشل میڈیا نا گچین کاریم اٹ اتنگ تون بایدے مرے تانکہ پاکستان نا مثبت تشخص ئِ تالان کننگ مرے۔ انفارمیشن سروس اکیڈمی ئِ کمیونکیشن و میڈیا ٹریننگ انسٹی ٹیوٹ نا بڑزکو منظم ادارہ غاتا فعال وڑاٹ کاریم کننگ نا گرج ئِ۔ اوداہیت ئِ چارشنبے آ انفارمیشن سروس اکیڈمی ٹی اسہ بڑزکو کہولی دیوان اسے نا کماشی ئِ کرسا پارے۔ وزیر مملکت پارے کہ آخبت نا تربیتی کورس آک بایدے گچین وڑاٹ مریر ہرا پوسکن آ ٹیکنالوجی نا مہارت آتیان ہم آہنگ مریر۔ اوپارے کہ علاقائی و جہانی کہول آ پروفیشنل میڈیا انسٹی ٹیوٹ و اونا تعلقدار تربیتی ماڈیولز آتا جاچ ئِ ہلنگے و اونا رداٹ پوسکن آ مجوزہ تربیتی ڈٹ اکن اسہ جامع سٹریٹجی اس تیار کننگے۔ اوپارے کہ اکیڈمی افسرآتا کسبی لائخی تیٹی ودکی کن کیہی تربیتی وارخواہی تا پیدواری ئِ کیر۔ اوپارے کہ قومی و السی اہمیت نا معاملہ غاتیا سیمینار و گروپ شرہ غاتا بست وبند آ توجوہ تننگے تانکہ تعلقدار سٹیک ہولڈرز آتا نیام اٹ آسان رابطہ غاتے باوری جوڑ کننگ مرے۔ وزیر مملکت تعلقدار کمامدار آتے پارت کرے کہ سہ ماہی کیلنڈر و اہم کارکڑد ٹک آتون اوار سالانہ تربیتی پلان اس تیار کننگے۔ اوآخبت نا تربیتی پروگرام تا تیاری کن ودکی سرکاری و نجی شریداری نا گرج آ ہم زورشاغا۔
