اسلام آباد۔ 28اپریل (اے پی پی ) پاکستان اٹی تخفیف نیزگاری پروگرام نا تحت بے کچ حقدار خلقت آتا مالی کمکاری کن مائیکرو فنانس انوسٹمنٹ کمپنی اسینا اڈتننگ ناسمجھوتہ طے مس۔ مائیکروفنانس انوسٹمنٹ کمپنی یکم جولائی 2016ءآن کاریم نا بنائِ کیک۔ داچرجوئی ٹی پنچ شنبے آ داڑے پاکستان ، جرمنی و برطانیہ نا ادارہ غاتا نیام اٹ مفاہمت نا یات داشت آتیا دستخط کننگا۔ بنجائی وزیر خزانہ سینیٹر اسحاق ڈار و سیکرٹری اقتصادی امور ڈویژن طارق باجوہ ہم دود اٹی ساڑی ئسر۔ داوخت آ خیال آتا درشانی ئِ کرسا بنجائی وزیر پارے کہ معاہدہ نا تحت پاکستان اٹی تخفیف نیزگاری نا پروگرام کن پاکستان 3ارب روپئی خرچ کیک وخت اس کہ برطانوی شونداری ادارہ 15لکھ پاﺅنڈو جرمنی نا بینک انا ایف ڈبلیو 70لکھ یورو فراوان کیک۔ اوپارے کہ مائیکرو فنانس زرکاری کمپنی یکم جولائی 2016ءآن آپریشنل مریک و خلقت آتسکان اونا بھرم آتا سرمننگ نابناءمریک۔
