کوئٹہ۔ 27 اپریل (اے پی پی) صوبائی الیکشن کمشنر بلوچستان سید سلطان بایزید پارینے کہ کچھی کم جھل مگسی این اے 267نا قومی اسمبلی نا ضمنی گچین کاری نا بابت غٹ تیاری تے پورو کننگانے، پولنگ 28اپریل آ سہب انا 8بجہ آن بیگہ نا 5بجہ اسکان بیدس وقفہ آن برجاءسلک۔ دا چرجوئی ٹی پولنگ عملہ تینا تینا اسٹیشن آتیا درو رادہ مسنو چونکہ دا حلقہ نا غٹ پولنگ اسٹیشن آتے بے کچ حساس گوندنگانے۔ ہنداخاطران 165پولنگ اسٹیشن آتیا فوج و ایف سی نا ورنا ک پولنگ اسٹیشن آتا تہہ ٹی و پیشن تعینات سلرہ۔ یات سلے کہ سپریم کورٹ نا فیصلہ نا رداٹ ہندا حلقہ نا نشست خورک گوندنگاسس و دارداٹ الیکشن کمیشن 10مارچ آ شیڈول نا پڑوئِ کریسس۔
