اسلام آباد۔27اپریل (اے پی پی) مزن وزیر محمد نواز شریف ئِ پاگواجئی ئَ چار شمبے ئِ روچ ئَ مزن وزیر ئِ کارگس ئَ بُنجاھی کابینہ ئِ دیوان ئِ برجم دارگ بوت۔ کابینہ ئَ را گوشگ بوت کہ چینی کونسل ئَ سکھر ملتان موٹروے ئُُ حویلیاں ئَ بگر تاںکوٹ موٹروے ئِ منصوبگانی سر ئَ 4.5ارب کلدر ئِ منوگری دیگ بوتگ۔ مزن وزیر محمد نواز شریف ئَ بُنجاھی کابینہ ئِ دیوان ئَ وتی بُنگیجی دانک آنی تہ ئَ گوشت کہ ما منصوبگانی ساپ ئُُ سلئی ئَ سرجمی ئِ ھاترا نوکیں رِکپ کارمرد کتگ اَنت۔ آئی ئَ گوشت کہ انرجی ئِ منصوبگانی ھاترا 34ارب ڈالر جنگ بوتگ، وام اِناں ۔ توامیں میاں اوستمانی ادارگ پاکستان ئِ سوداگری ئُُ بے پار ئِ برجائی ئَ را ساڑاتگ۔ مزن وزیر ئَ اے گپ ئِ درشان کُت کہ ما وتی باریگ ئِ حکومت ئَ گیس ئِ کمیگ ئَ پورا کن آں۔ آئی ئَ گوشت کہ 1999ئِ سال ئَ پد آیوکیں حکومت انرجی ئِ شوبگانی سر ئَ ھرچ ئُُ درچ ئَ ناکام بوتگ اَنت۔ آئی ئَ گوشت کہ بازیں سیاسی ھلاپ کنوکیں مردم دیمروئی ئِ کار آنی دیم ئَ کُنٹگ جنگ ئَ اَنت۔ مئے سیاسی ھلاپ کنوک آناسرپدی رستگ کہ اگاں ما دیمروئی ئِ کار اں سرجم بکن آں اللہ پاک ئِ کمک ئَ گڈا آوانی سیاست 2018ئَ ھلاس بیت۔ مزن وزیر ئَ گوشت کہ گوادر ملک ئَ را دیمروئی ئِ دگ ئَ برﺅکیں مزنیں چیدگ اِت۔ آئی ئَ گوشت کہ تھر ئَ ھندی ا،شکر ئَ چہ توان ئِ جوڑ بوھگ ئِ پد ئَ سک باز وشی رستگ۔
