صوبہ غاتے ٹی شفافیت نا پوسکن ئُ معیار اڈ تسنے ، توانائی ڈٹ آتے ٹی 34ارب ڈالر نا زرکاری ئِ ، کڑزآخا، وزیراعظم
اسلام آباد۔ 27 اپریل (اے پی پی ) وزیراعظم محمد نواز شریف نا کماشی ٹی چارشنبے آ وزیراعظم آفس اٹی بنجائی کابینہ نا دیوان اس اڈ ہلک۔ کابینہ ئِ پاننگاکہ چینی کونسل سکھر ملتان موٹروے و حویلیاں تھاکوٹ موٹروے ڈٹ آتے کن 4.5ارب ڈالر نا منظوری ئِ تسنے۔ وزیراعظم نوازشریف بنجائی کابینہ نا دیوان اٹی تینا بنائی ہیت آتے ٹی پارے کہ نن ڈٹ آتے ٹی شفافیت نا پوسکن ئُ معیار ا س اڈ تسونن۔ اوپارے کہ توانائی نا ڈٹ آتے ٹی 34ارب ڈالر نا زرکاری ئِ ، کڑز آخا، غٹ جہانی ادارہ غاک پاکستان نا معاشی بحالی نا اعتراف ئِ کننگ ئُ۔ وزیراعظم دا عزم انا درشانی ئِ کرے کہ تینا دور حکومت اٹی گیس انا کاختی نا سرسہبی اٹ مون ئِ تورک۔ اوپارے کہ 1999ءآن گڈ بروک آ حکومت آک توانائی نا بشخ آتے ٹی زرکاری ٹی بے سہب مسر۔ اوپارے کہ گڑاس سیاسی مخالف آک اقتصادی شون نا کسر اٹی اڑاند ودی کننگ نا کوشست کننگ ئُ۔ ننا مخالف آتے سمائِ کہ اگہ نن تینا شونداری ایجنڈہ آ عملدرآمد اٹی سرسہب مرینہ تو اللہ تعالیٰ نا فضل اٹ 2018ءٹی اوفتا سیاست چٹک۔ وزیراعظم پارے کہ گوادر ملک ئِ شون نا کسر آ روان کننگ کن اسہ بھلو محور اسے۔ اوپارے کہ تھر اٹی ہندی کولا آن بجلی نا پیداوار آ بے حد خوش اُٹ
