اسلام آباد۔ 27اپریل (اے پی پی) دہشت گرد آتا برخلاف برجا آپریشن ”ضرب عضب “ اٹی زہمی مروک آبے اُرا بندغ (آئی ڈی پی ) تا مسٹ میکو مرحلہ نا بناءآن گڈ قطبی وزیرستان نا بے اُرا خاہوت آتا پدی ہِننگ نا چرجوئی برجائِ ، داوخت اسکان اسہ ہزار 641خاہوت پدی تینا علاقہ غاتیا رسینگانو۔ پدی ہنوک آ خاہوت آتے ٹی 25ہزار روپئی وخت اس کہ 10ہزار ٹرانسپورٹ نا مد اٹی تننگ انگ ئِ۔ فاٹا ڈیزاسٹر مینجمنٹ اتھارٹی نا برجاءحساب وکتاب نا رداٹ دہشت گرد آتا برخلاف برجا آپریشن ضرب عضب اٹی زہمی مروک آ بے اُرا بندغ (آئی ڈی پی ) تا مسٹ میکو مرحلہ نا بناءنا وخت آ داوخت اسکان اسہ ہزار 641خاہوت پدی تینا باوہ پیرہ ہی آ علاقہ غاتیا رسینگانو ہرافتے ٹی اسہ ہزار 66خاہوت آتے نادرا تصدیق کرینے وخت اس کہ 575خاہوت بے رجسٹرڈ ئُ۔ کمامدار آتا رداٹ پدی ہنوک آ خاہوت آتے ٹی مالی امداد نا وڑاٹ 25ہزار روپئی بذریعہ اے ٹی ایم کارڈ وخت اس کہ 10ہزار تیناٹرانسپورٹ نا مدا ٹی ہم بذریعہ موبائل سم نا ذریعہ ادا کننگ انگ ئِ۔ پدی ہنوک آ خاہوت آتے ٹی اقوام متحدہ نا ادارہ برائے ورلڈ فوڈ پروگرام ناذریعہ شش تواکن مفت خشک راشن و تمبو تننگ انگ ئِ۔ کمامدار آتا رداٹ پدی ہنوک آ خاہوت آتا چناتے جتا چیک پوسٹ آتیا2658چناتے پولیو آن بچفنگ نا پڑی کنفنگا وخت اس کہ داوخت آ 938مریض آتا درمان ئِ ہم کننگا۔
