اسلام آباد۔ 26اپریل (اے پی پی) صدر ئِ مملکت ممنون حسین ئَ گوشت کہ پاکستان ئُُ آزربائیجان آرا دیمپانی، رسانکی ئُُ انرجی ئِ شوبگ آنی تہ ئَ دیمروئی دیگ لوتیت۔ آئی ئَ گوشت کہ آزربائیجان ئِ دیمپانی ئِ وزیر صنعت یاور جمالوف ئَ گوں تران کنان ئَ گوشت آئی ئَ سئے شمبے ئِ روچ ئَ صدر ئِ مملکت ئِ گوں ایوان ئِ صدر ئَ گند ئُُ نند کُت۔ صدر ئِ مملکت ئَ گوشت کہ پاکستان ئُُ آزربائیجان ئِ نیام ئَ یکوئی تپاکی مھکم اِنت ئُُ پاکستان نگورونوکاراباخ ئِ جیڈھ ئَ را اقوام ئِ محتدہ ئِ کانود ئِ رد ئَ گیواری ئَ دوست داریت۔ آئی ئَ گوشت کہ دوئیں ملک آنی نیام ئَ سوداگری کساس ئَ کم بوھگ ئَ اِنت، آ وڑ کہ بوھگ لوٹیت۔صدر ئَ واھشت سُہرا کُت کہ پاک آزربائیجان یکجائی وزیری تک ئِ کمیشن ئِ شش ھمی دیوان اکنامیکل سیادی ئَ را گیش مھکم کنگ ئُُ دوئیں نیمگ ئَ سوداگری ئَ را ودینگ ئَ جوان سُہرا بیت۔صدر ئِ مملکت ممنون حسین ئَ گوشت کہ زرباری ایشیا، نیامی ایشیا، زرباری روبرکتی ایشیا ئُُ چین ئِ نیام ئَ ھواری را دیمروئی دیگ لوٹیت تانکہ اے پڑ ئِ اُلس وشھال بہ بیت۔ صدر ئِ مملکت ممون حسین ئَ گوشت کہ پاکستان ناشرکاری ئِ آماچ اِنت۔ ناشرکاری ئِ ھلاسی ئِ ھاترا آپریشن ضرب ئِ عضب کامیاتی آنی گوما جاڑی اِنت۔ صدر ئِ ممنون حسین ئَ گوشت کہ دو نیمگی سیادی ئَ را گیش مھکم کنگ ئِ ھاترا اُلسی تک ئَ کمنوکیشن ئَ را گیش کنگ ئُپ سوداگری ئُُ دود ئُُ ربیدگی پڑ ئَ رو آ ئِ ضلورت اِنت۔ گند ئُُ نند ئِ تہ ئَ بُنجاھی وزیر برائے پٹرولیم شاہد خاقان عباسی ئُُ بُنجاھی وزیر برائے دیمپانی پیداوار رانا تنویر حسین ھم ساڑی اَت۔
