اسلام آباد۔ 26اپریل (اے پی پی) وزیراعظم نا خصوصی کمکار امور خارجہ سید طارق فاطمی پارینے کہ پاکستان ہنگری نا ساڑی آ خڑک انا تعلقداری تے سیاست، معیشت و ایلو بشخ آتے ٹی پین وسعت تننگ نا گرج ئِ ۔ اوداخیال آتا درشانی ئِ سے شنبے آ داڑے ہنگری نا وزیر اقتصادی سفارتکاری لیو نتے میگرتون ہیت و گپ کرسا کرے۔ اوپاکستان اٹی توانائی نا بشخ اٹی ہنگری نا تیل و گیس کمپنی مول نا خذمت آتا ستائِ کرے و ہنگری نا ایلو کمپنی تے ہم سلہ تس کہ او پاکستان نا حکومت نا دوستانہ پالیسی تیان فائدہ ہرفیرو کیہی بشخ آتے ٹی زرکاری کیر۔ ہنگری نا وزیر پارے کہ اونا ملک ہڑتوم آ کنڈآتا تعلقداری تے پین مون آ دننگ نا خواہندارئِ۔
