اسلام آباد۔ 26اکتوبر(اے پی پی) بنجائی وزیر خزانہ سینیٹر اسحاق ڈار پارینے کہ پاکستان اقتصادی سوگوی دوئی کرینے و او کاریک ملک آتا نیام اٹ اقتصادی کمکاری ئِ ودفنگ اٹی اہم کڑد ادا کننگ کیک۔ چین پاکستان اقتصادی راہداری نیامی ایشیائ، دے ٹکی نیامی و افریقہ نا نیام اٹ رابطہ کاری نا پبی وارخواہی فراوان کیک، کاریک نا سرسہبی آن ڈیہہ نا خلقت آتا زند آ مثبت زئم تمک۔ او چارشنبے آ داڑے وسط ایشیاءعلاقائی اقتصادی کمکاری (کاریک) وزارتی کانفرنس نا افتتاحی سیشن آن تران کریکہ۔ وزیراعظم محمد نواز شریف افتتاحی سیشن نا مہمان خاص ئس۔ داوخت آ ایشیائی شونداری بینک انا صدر تائی ہیکو نکاﺅ ہم تران کرے۔ وزرائ، باسک پارلیمنٹ، کاریک ملک آتا مندوبین، علاقائی و بین الاقوامی تنظیم آتا نمائندہ، سفارتکار و سینئر سرکاری کمامدارآک ہم افتتاحی سیشن اٹی شرکت کریر۔ بنجائی وزیر دیوان نا شرکاءنا خیرمقدم ئِ کرسا وزارتی دیوان نا بست و بند آ ایشیائی شونداری بینک نا صدر و اونا ٹیم نا کوشست آتا ستائِ کرے۔ اودیوان نا شرکاءئِ مئی 2013ءآن مست ملک اٹی معاشی نزوری نا حالیت و ساڑی آ حکومت نا اقتدار اٹی بننگ آن گڈ معاشی بحالی و سوگوی کن کروک آ کوشست آتابارواٹی معلومدار کرسا پارے کہ وزیراعظم محمد نواز شریف نا سروکی ٹی ننا حکومت اقتصادی اصلاحات نا ایجنڈہ پیش کرے ہرانا رداٹ المی ولے مشکل گام گیج آتا نتیجہ ٹی پاکستان میکرواکنامک سوگوی دوئی کرینے۔ اسحاق ڈار پارے کہ ملک اٹی جمی و پائیدار نموکن ساڑی آ حکومت نا اقتصادی پالیسی تے جہانی کہول آ ستائِ کننگ انگ ئِ ، ساختہ جاتی ، اصلاحات، ٹیکس انا بنداو نا وسعتم، درملکی زرمبادلہ نا کوڑی ٹی ودکی ، کبینی ٹی کمتی اتنگ و توانائی نا کمتی نا مون ئِ توننگ نا گام گیج آک نمان ئُ۔ اوپارے کہ مسکوہی مسہ سال انا وخت غٹ بھلا اقتصادی ٹک آک نمان گچینی نشان تسنو ، نن سمجھنہ کہ پاکستان داسہ کاریک ملک آتا نیام اٹ اقتصادی کمکاری ئِ ودفنگ اٹی اہم کڑدادا کننگ کیک۔ اوپارے کہ علاقائی اقتصادی نموئِ پین ودفنگ کن نن بھلا اقتصادی شونداری پروگرام تیا عمل کننگ اُن، سی پیک نا ڈٹ نیامی ایشیائم، دے ٹکی نیامی و افریقہ نا نیام اٹ رابطہ کاری نا پبی وارخواہی فراوان کیک۔ وزیر خزانہ پارے کہ چین پاکستان اقتصادی راہداری ننا ڈیہہ نا اقتصادی شون اٹی فیصلہ کن کڑد ادا کیک۔ اوپارے کہ کاریک نا ٹرانسپورٹ و واپار آن بابت آسراتی حکمت عملی مواصلات، ٹرانسپورٹ و واپار نا ڈٹ آتا موثر نفاذ نا پلیٹ فارم فراوان کیک۔ اوپارے کہ ہراتم کاریک نا 6راہداری و بھلا بندرگاک جہانی منڈی تسکان رسینگ فراوان کننگ نا بنائِ کیک تو داڑآن او خذمت آک میسر مریرہ ہرا قومی و علاقائی مسابقت یا پیداواریت ، روزگار، نقل و حمل و ماحولیاتی پائیداریت کن بھاز اہم مریک۔ اسحاق ڈار ٹرانزٹ ٹریڈ نا کسر اٹی بروک اڑاند آتا ذکر ئِ کرسا پارے کہ دابابت آن قومی و علاقائی کوآرڈینیشن نا میکنزم نا تیاری کانفرنس نا اولیتی بشخ مریک۔ اودا یخین نا درشانی ئِ کرے کہ کاریک نا سرسہبی آن ننا خلقت و آخبت نا نسل آتا زند آتیا مثبت زئم تمک۔
