اسلام آباد۔ 17ستمبر (اے پی پی مزن وزیر محمد واز شریف اے سال ئِ ھاسیں در ملکی تر ئُُ تاب ئِ ھاترا یک شمبے ئِ سھب ئِ سر ئَ نیو یارک ئَ روادگ بوتگ، آھودا آ اقوام ئِ متحدہ ئِ 71اپتاد ئُُ یکمی دیوان ئَ بھر زورت۔ وتی سیمی دور ئِ پاگواجئی ئَ مزن وزیر 193یک سد ئُُ نود ئُُ سیمی میاں اوستمانی باسکی فورم ئَ گوں چارمی گشتانک ئَ دنت۔اُمیت دارگ بوھگ ئَ اِنت کہ21ستمبر ئَ مزن وزیر جنرل اسمبلی ئَ گشتانک دنت۔ ایشی ئِ تہ ئَ آ دمگی ھاسیں دمگی ئُُ میا اوستمانی جاور ئُُ پاکستان ئِ مول ئُُ مراد آں گوشیت، آئی ئِ گُشتانک ئِ تہ ئَ بھارتی کشمیر ئِ جاور آنی سر ئَ ھاسیں دلگوشی گشتانک دیگ بیت۔مزن وزیر گس ئَ چہ جاڑی بوتگیں بیان آنی رد ئَ نیو یارک ئِ تر ئُُ تاب ئِ ساھت ئَ مزنن وزیر ئِ شیڈول باز دزگٹ بیت۔اقوام ئِ متحدہ ئِ جنرل اسمبلی ئِ دیوان ئَ بھر زوری ئَ ھوار مزن وزیر اقوام ئِ سیکرٹری جنرل ئَ ھوار بازیں ٹوھیں ٹوھیں رہنما آنی گوما دو نیمگی گند ئُُ نند کن اَںت۔ نیویارک ئِ تر ئُ تاب ئِ ساھت ئَ مزن وزیر ئِ ھمبراہ، درئی کارانی مشیر سرتاج عزیز ئُُ ایندگہ مزنیں کارندہ ساڑی بنت۔مزن وزیر محمد نواز شریف جنرل اسمبلی ئَ گوں گشتانک ئَ ھوار اقوام متحدہ ئِ لڈ ئُُ بار کنوک آنی بابت ئَ پالیشی بیان ھم دنت۔
