ایران ءِ سفیر ءَ پارلیمنٹ ہاؤس ءَ اسپیکر راجی اسمبلی ءَ گوں گند ءُ نند کتگ ءُ پاکستان ءِ پارلیمنٹ، حکومت ءُ فوجی سروکی ءَ را ایران ءُ امریکہ ءِ امن معاہدے ءِ ھاتر ءَ سوبمندیں سفارتکاری ءِ  پد  ءَ مبارک بات داتگ

اسلام آباد۔15جون  (اے پی پی): پاکستان ءَ ایران ءِ سفیر رضا امیری مقدم ءَ پارلیمنٹ گس ءَ راجی اسمبلی ءِ اسپیکر سردار ایاز صادق ءَ گوں گند ءُ نند کت، ایشی ءِ تہ ءَ آئی ءَ ایران ءُ امریکہ ءِ امن معاہدے ءِ سر ءَ ایران ءِ سروکی ءُ الس ءَ را مبارکی دات۔ قومی اسمبلی ءِ سیکرٹریٹ ءِ رد ءَ قومی اسمبلی ءِ سروک ءَ ایران ءُ امریکہ ءِ نیام ءَ امن منوگر ءَ را وش اتک کتگ ءُ گشتگ کہ اے منوگر خطہ ءَ امن، برجائی ءُ وت مہ وتی دل یکیمی ءِ دیمروئی ءِ ھاتر ءَ یک جوانیں ءُ دلبڈی ءِ گامگیج انت۔ ایران ءُ امریکہ ءِ امن منوگر ءِ سبب ءَ دمگی ءُ جہانی تک ءَ امن ءِ برجائی ءَ مزنیں کردے پیلو بیت۔ ایران ءِ سفیر ءَ ایران ءُ امریکہ ءِ نیام ءَ امن معاہدے ءِ واستہ پاکستان ءِ حکومت، پارلیمنٹ ءُ سفارتی سروکی ءِ کوشست آناں ساڑات۔ آئی ءَ ایران ءُ امریکہ ءِ امن معاہدے ءِ واستہ کامیابیں سفارتکاری ءِ پد ءَ پاکستان ءِ پارلیمنٹ، حکومت ءُ فوجی سروکی ءَ را مبارک بات دات۔ ایران ءِ سفیر ءَ پاکستان ءِ سیاسی، پارلیمانی، سفارتی، سول ءُ فوجی سروکی ءِ کوشست آناں ساڑات ءُ ایران ءُ امریکہ ءِ نیام ءَ جنگ بندی ءُ امن معاہدے ءِ ھاترا کوشست آناں توسیپ کت۔ گند ءُ نند ءِ ساھت ءَ دوئیں راہشون آنی نیام ءَ پاک ایران ءِ وت مہ وتی سیادی ، وت مہ وتی ھب ءُ واھگ ءِ جیڈھ ، پارلیمانی سیادی ءِ دیمروئی ءُ دمگ ءِ سرجمیں جاورھال آنی سر ءَ سرجمیں رنگ ءَ گپ ءُ تران بوتگ ۔ ایران ءِ سفیر ءَ وتی ڈل ءِ گوما راجی اسمبلی ءِ دیوان ءِ کارروائی ھم چار اِتگ۔ ایران ءِ سفیر ءَ گوشت کہ ایران ءِ حکومت ءُ الس، پاکستان ءِ پارلیمنٹ، حکومت، فوجی سروکی ءُ الس ءَ را جنگ بندی ءُ امن ءِ منوگری ءِ مخلصیں کرد مدام یات کنگ بیت۔